Video
Read full review
2024-02-06
85 views
同朋友約咗喺附近行市集，朋友上次食過話好食，就帶咗我嚟呢間日式小店。😋前菜係糖漬蘿蔔同枝豆，糖漬蘿蔔好爽脆，酸酸甜甜; 枝豆唔係白烚咁簡單，經過簡單調味，仲食到豆香。飲品我地叫左一杯Pineapple Coco$48同埋Apple mojito$48。兩杯飲品都係有水果成份，所以飲落好清新，而且大大杯。無幾耐鱈魚片$68就到啦！份量唔少，有成十幾片，食落口估唔到係脆卜卜㗎！點埋蛋黃醬一齊食，又係第二個味道。錫紙牛油雜菌$48，顧名思義嚟到你嘅面前都仲係攞錫紙包住嘅，打開咗少少啲菇嘅鮮味已經飄緊出嚟。我鍾意佢嘅黑椒撈埋少少焗完雜菌嘅菇汁，打斜隻碟用匙羹筆出嚟飲真係好鮮。大吟釀煮蜆$168，蜆肉份量慷慨，蜆肉肥美脹卜卜，蜆肉精華流入湯汁同清酒煮埋一齊，聞到清酒味好香，個湯非常香甜，蜆肉除咗脹卜卜之外，食落仲好有海水味。本身唔知啲嘢食咁大份，驚唔夠飽仲叫多咗個醬油漬糖心蛋鴨湯拉麵$88，食完個大吟釀煮蜆已經飽飽地。🥲我嘅習慣食拉麵一嚟係要飲湯先嘅，鴨湯好甜，好清，唔油膩，一唔小心，已經飲咗半碗😂。鴨胸仲有足足六塊！糖心蛋唔係半隻，係足足一隻，非常入味；拉麵口感軟硬適中，而且湯汁掛喺拉麵上面一
前菜係糖漬蘿蔔同枝豆，糖漬蘿蔔好爽脆，酸酸甜甜; 枝豆唔係白烚咁簡單，經過簡單調味，仲食到豆香。
飲品我地叫左一杯Pineapple Coco$48同埋Apple mojito$48。兩杯飲品都係有水果成份，所以飲落好清新，而且大大杯。
無幾耐鱈魚片$68就到啦！份量唔少，有成十幾片，食落口估唔到係脆卜卜㗎！點埋蛋黃醬一齊食，又係第二個味道。
錫紙牛油雜菌$48，顧名思義嚟到你嘅面前都仲係攞錫紙包住嘅，打開咗少少啲菇嘅鮮味已經飄緊出嚟。我鍾意佢嘅黑椒撈埋少少焗完雜菌嘅菇汁，打斜隻碟用匙羹筆出嚟飲真係好鮮。
大吟釀煮蜆$168，蜆肉份量慷慨，蜆肉肥美脹卜卜，蜆肉精華流入湯汁同清酒煮埋一齊，聞到清酒味好香，個湯非常香甜，蜆肉除咗脹卜卜之外，食落仲好有海水味。
本身唔知啲嘢食咁大份，驚唔夠飽仲叫多咗個醬油漬糖心蛋鴨湯拉麵$88，食完個大吟釀煮蜆已經飽飽地。🥲
我嘅習慣食拉麵一嚟係要飲湯先嘅，鴨湯好甜，好清，唔油膩，一唔小心，已經飲咗半碗😂。鴨胸仲有足足六塊！糖心蛋唔係半隻，係足足一隻，非常入味；拉麵口感軟硬適中，而且湯汁掛喺拉麵上面一齊食入口，真係好好食！
食晒以上嘅嘢，其實已經好飽，不過朋友話餐廳個蕃薯 Crème brûlée $68好好食，叫我一定要試吓。其實我想試佢個花生酥$25/2多啲，but why not both? 甜品係第二個胃黎㗎嘛。😆
甜品好快上齊，首先嚟到嘅係花生酥，佢個賣相有少少似曲奇餅，佢唔係口感脆嘅酥餅，其實佢個口感係入口即化嘅果一種酥。入口好重花生味，好有誠意，連一塊少少嘅酥餅都咁認真對待，餐廳真係好用心。
蕃薯 Crème brûlée黎啦！🥹好彩我有聽朋友講叫埋呢一個番薯，面頭嘅焦糖好脆，中間嘅燉蛋crème brûlée,同埋番薯都係軟腍腍，所以呢個甜品口感相當豐富。甜味分別係焦糖嘅甜，同埋來自番薯本身嘅甜，唔係坊間嗰種喪落糖只有死甜嘅甜品。❤️
總括而言，服務上店員都有不停幫我哋嘅水杯加水，上菜嘅時候都有介紹菜名同埋每道菜嘅特別之處，態度友善；味道上每一道菜都係誠意之作，真係超級推薦大家一定要留返個胃食甜品😋。
Post
