越一越南牛肉粉專門店

Open Now

Now Closed

黃大仙鳳凰村附近的斜路橫巷有唔少好西食，呢次試左間越南菜餐廳，環境幾光鮮衛生，食物大件夾抵食，性價比高。① 一人湯粉餐雞絲河粉加扎肉，香茅雞翼，椰汁綠豆冰 $103② 一人撈檬餐香茅豬頸肉撈檬，炸蝦餅（半份），熱柚子茶 $88一人餐$88有碗湯粉或撈檬，一份少食加杯飲品，朋友加餸所以加多$15。兩碗粉都好大碗，好足料。湯河湯底清甜，雞絲肉嫩；撈檬有生菜青瓜蘿蔔花生炸蒜，加埋個汁撈匀好好味，而且口感豐富。豬頸肉量多，每塊都大件鬆軟又爽口。小食都叫左炸物，但唔會覺得油膩，蝦餅結實彈牙。跟餐飲品可選$18以下，已經包括一般特飲例如三色冰，鹹檸七等等，好抵！③ 軟殼蟹米紙卷 $52④ 柚子鮮蝦沙律 $58米紙卷包得好札實，塞滿料，有粉絲，青瓜，生菜，軟殼蟹脆口。份柚子沙律就勁大份，微酸微辣好開胃，食完啲柚子已經有飽腹感。