籠太子點心專門店 (Closed)

同朋友去咗銅鑼灣食飯，好想食點心，見到呢間點心專門店嘅裝修好似幾靚，於是就入去試啦！呢間點心店嘅價錢都唔算十分貴，我哋最後埋單每人都唔使$100。喺銅鑼灣來講都算非常抵食。我哋叫咗一啲傳統點心，有叫咗一啲呢間點心店獨有嘅點心。上菜嘅速度都好快，我哋攞咗單之後10分鐘都唔使就到啦。呢間點心店全部都係即叫即蒸， 十分新鮮，另外點心質素都非常之高。特別一提嘅就係佢哋啲甜品好有創意，呢個一口嘅芒果布甸，同平時出邊茶樓嘅非常唔同，細細地，食得太飽都仲食得落！另外仲有呢個椰汁桂花糕，無論賣相同味道都非常好。