野川拉麵の深燒食堂

Open Now

Now Closed

專程入嚟元朗試一試呢間日本餐廳，午市時段非常抵食，留意番啲間餐廳係做到深宵的，所以宵夜時段亦都非常吸引。我哋睇一睇餐牌價錢都非常吸引。我哋嗌咗兩個午市套餐吉列豬扒滑蛋飯同埋一個豬軟骨拉麵豬骨濃湯湯底。首先講一講滑蛋腳的豬扒飯佢嘅滑蛋唔淨止得蛋仲有埋洋蔥同埋菇配合得非常之好食，加少少豉油更加將味道提升配上日本飯真係食到停唔到。另外佢嘅吉列豬扒好大塊同埋好厚新鮮熱炸。另外豬軟骨拉麵真係要讚一讚，我唔太鐘意好濃湯底嘅拉麵，但係今次呢個拉麵個湯底一啲都唔鹹，亦都好香豬骨味，可以食多一碗㖭啊我哋當然唔少得嗌咗啲刺身啦，三文魚非常肥美又鮮甜，帶子好新鮮，一啲都冇雪藏味。另外仲嗌咗炸蠔同芝士炸薯餅就好大隻一啲都唔輸比出邊嘅日本餐廳，好食好多，啲個價錢簡直係抵。最後當然要講一講大家都好想知道嘅特飲啦。一句，大杯又抵飲。