Video
Read full review
2019-09-01
1612 views
近日到訪位於油麻地上海街嘅雞味濃，鬧市小店環境雖然稱唔上舒適，甚至有啲逐狹，但出品有質素。主打三款雞：霸皇雞、豉油雞、沙薑雞，套餐定價$43/48，性價比實在高，唔怪得有咁多街坊外賣、軟料加餸。我地食完一次，都覺得有下次鋪面唔算寬敞，座位數量唔多，枱櫈密麻，加上門口常開，冷氣有點不足；不過由於在座都係食快餐，唔會逗留太長時間，可以接受。同一般燒味店一樣，一隻隻雞已經掛於窗前，落單後即斬。餐牌主打三款雞：蒜香蔥爆霸皇雞、原味頭抽豉油雞、瑤柱火腿沙薑雞，套餐定價$43/48，附老火湯、油菜、白飯/粉，可以加錢改為菜飯或出前一丁。即使唔食雞，都有其他選擇，難怪係好多人嘅飯堂。例如蒸鮮魚、肉餅、蟲草花蒸雞，定價$42/50。外賣價格更實惠，雞、飯、湯套餐只需$30/35。蒜香蔥爆霸皇雞 $48/例牌 +$2轉菜飯原味頭抽豉油雞 $43/例牌+$2轉菜飯賣相唔錯，木盤整齊放上雞、菜飯、老火湯、油菜，一小碟一小碟，一啲都唔馬虎。南瓜蘿蔔豬骨湯熱辣辣，清甜無味精感。油菜份量得體。至於主角，霸皇雞同豉油雞都交足功課，豉油雞嫩滑，而且入味。霸皇雞以芽菜墊底，爆香嘅蒜粒、蔥絲鋪面，比豉油雞來得惹味之餘，唔
鋪面唔算寬敞，座位數量唔多，枱櫈密麻，加上門口常開，冷氣有點不足；不過由於在座都係食快餐，唔會逗留太長時間，可以接受。
同一般燒味店一樣，一隻隻雞已經掛於窗前，落單後即斬。
餐牌主打三款雞：蒜香蔥爆霸皇雞、原味頭抽豉油雞、瑤柱火腿沙薑雞，套餐定價$43/48，附老火湯、油菜、白飯/粉，可以加錢改為菜飯或出前一丁。即使唔食雞，都有其他選擇，難怪係好多人嘅飯堂。例如蒸鮮魚、肉餅、蟲草花蒸雞，定價$42/50。外賣價格更實惠，雞、飯、湯套餐只需$30/35。
蒜香蔥爆霸皇雞 $48/例牌 +$2轉菜飯
原味頭抽豉油雞 $43/例牌+$2轉菜飯
賣相唔錯，木盤整齊放上雞、菜飯、老火湯、油菜，一小碟一小碟，一啲都唔馬虎。
南瓜蘿蔔豬骨湯熱辣辣，清甜無味精感。油菜份量得體。
至於主角，霸皇雞同豉油雞都交足功課，豉油雞嫩滑，而且入味。
霸皇雞以芽菜墊底，爆香嘅蒜粒、蔥絲鋪面，比豉油雞來得惹味之餘，唔會過鹹。但就稍為冇咁滑嫩，以呢個價錢、份量，都唔會挑剔
菜飯亦深得我心大碗量足，飯粒分明，唔會過濕 (甚至可能有啲人覺得乾添)。
下次要試下我最愛蒸肉餅，另一半就話要試下佢至愛蒸魚呢！
Post
