圍威喂 (荃灣廣場) (Closed)

同朋友去完南豐紗廠之後，去咗好近嘅荃灣廣場搵咗呢間新穎啲嘅餐廳，入邊多數係食泰國菜。我哋大概兩點去到餐廳，當時都有唔少人食緊，我哋就叫咗一人一個lunch set，好抵食，五十零蚊有小食有主食又有飲品。首先就係嚟咗啲前菜小食先啦，青瓜沙律好清新好爽口，好開胃！而且份量都唔少喎。之後朋友叫咗呢個蝦油炒飯，淡淡的油香，入邊仲有豬頸肉。好足料，亦都係好大碟，兩個人覺得食唔晒。冬陰功單骨雞翼個脆皮炸得好脆，點埋佢個冬陰功醬，好香口，好夠味。最重點推介嘅係呢一個雞肉沙嗲！！啲雞肉超級嫩滑，我同朋友一食完都對望左對方一下，因為真係好好食😆金邊粉係我多數去泰國餐廳必選！呢一間都做得唔錯，亦都有三種配料俾我哋自己放，幾細心。