八幡屋涮涮鍋

Open Now

Now Closed

今次係第二次光顧，上一次食完後覺得有得烚烚烚又有串燒放題, 雖然涮涮鍋o既肉質差左少少, 但都覺得非常抵食, 所以今次決定要光顧, 同埋試吓叫高一級o既牛肉。一坐低點左昆布清湯, 烚完牛肉一試, 好在肉質不錯, 但個湯係甜o既...? 好彩都算好味, 唔理咁多, 爭取時間。 上次串燒係自己出去攞，手快有手慢冇，今次就要寫紙仔落order，以為公平啲，點知經常漏單，聽到隔離枱都有投訴。我地第一次叫左海蝦、雞翼、雞肉、豚肉串, 最後只係嚟左海蝦。第二次再點, 再催下先嚟雞翼, 雞肉豚肉串都係冇著落。最後last order叫左兩碗味噌蜆湯, 填左兩次紙仔, 再催先嚟。講返食物先, 食品種類當然唔可以同純食日式放題o既餐廳比較, 但其實都已經好足夠。除左漏單外, 員工服務亦非常麻麻。收碟慢之餘, 亦試過有員工推收碟車撞到人但對唔住都冇聲, 我明白可能係員工較少做到太忙太煩躁, 所以唔係想投訴, 只係想餐廳方面注意吓。不過, 總體來說都算滿意, 雖然經常漏單但有120分鐘都足夠, 種類多味道不錯,可以再嚟~