三姐松記糖水 (Closed)

食完飯當然要要整個糖水濕一濕口咁先滿足，經過深水埗一間老字號糖水舖-三姐松記，就入去試吓。糖水舖嘅格局以長枱為主，座位數量都偏多，裝修以白色為主，感覺潔淨舒適。餐牌一本活頁厚厚的，而且甜品、飲品圖片非常吸引，圖文並茂，清晰可見。不得不叫這裏的招牌甜品-椰皇蛋白燉奶，價錢唔貴都只係$38一個。賣相非常吸睛，原來真的用椰皇裝住蛋白燉奶的，隨即手機食先。燉奶質感軟綿綿，而且非常滑溜，有好濃郁嘅蛋白鮮奶味道，熱辣辣、好暖胃。朋友就叫了好香榴槤味道的榴槤處處。還有好有特色、即叫即做的朱古力心太軟配益力多雪糕，一下吉落去心太軟的香脆外皮，入面嘅朱古力流心隨即滲透出來，而且焗得恰到好處。最後都只係$150有找，位於深水埗區價錢合理、甜品款式多，屬於性價比高的一間甜品專門店。