新森林焗之專門店 (Closed)

新森林既下午茶外賣其實好抵食！但今日我唔係介紹佢既下午餐，而係lunch （題外話）話說今早同老公諗住去銅鑼灣Fashion Walk 到換免費美心月餅，因為身份證有60或18既雙連數字就可以換，好幸運地有我份，所以諗住早半個鐘去排陣隊，點知一去到見到名額已滿，聽講啲人排通宵（唔知真定假），真係為左盒月餅可以去到幾盡？！天氣甘熱，要我排半個鐘都係極限，所以知道冇哂，即走。銅鑼灣早午餐真係冇咩好食，想食果啲又未開，最後決定返佐敦食，近返工。新森林呢間野啲野食水準都可以話係性價比較高既餐廳，以$40-$50，食個有質素扒餐又有野飲，的確唔錯。以下圖片已經食緊既時候影既，其實份量係多。大胃王扒餐：豬扒 、漢堡扒 、特色腸仔，腸仔裡面有汁，唔係普通腸，好食！牛扒帆立貝配薯菜：牛扒好嫩，juicy!帆立貝已食左（不在圖上）我覺得新森林啲野食以呢個價黎講係唔錯，佢啲食物相 poster 將貼店內，都影得好吸引，好光鮮，只是冇咩宣傳。餐廳內環境比想像中舊。