火鍋撚 (日富里百好大廈) (Closed)

依間火鍋撚，性價比算係好高，兩個人食到超級飽，差啲食唔晒，都只係$800左右，啲嘢食仲要幾唔錯😎😎首先一入到餐廳，見到火鍋嘅座位，非常大，超舒適👍🏼👍🏼同旺角分店都幾大分別😆😆食物選擇都幾多，另外，可以留意下店舖入面嘅其他poster，咁啱星期一至四，如果點麻辣湯可以免費添加鴨血豆腐！正呀！不過我想講，個火鍋湯底嚟到嘅時候，本身已經有好多鴨血豆腐，兩個人都差啲食唔晒，即係話，其實越多人嚟，越爽😁😁可以免費添加鴨血豆腐係堅吸引😛😛今次都叫咗唔少香口野，有自家製嘅響鈴，同埋魚腐，都係可以即食的，放湯都得。響鈴係非常脆，唔會有太多油殘留，唔錯唔錯。至於粒魚腐，係比較結實嗰種，冇骨，都幾好咬口。另外仲嗌左黃金炸魚皮，不過冇影相，又係超級正！鹹蛋係好厚！水餃王，冇令人失望，大大粒，入面有勁大隻蝦。我幾鍾意依間火鍋店係因為佢哋大部份嘅配料都可以揀半入，分量少啲，價錢又平啲，咁就算兩個人打邊爐，都可以揀多啲嘢食。好似依個腐竹拼枝竹，少少哋，咩都有d, 過吓癮都好。脆鯇骨腩 肉厚 而且真係好爽脆，不過依一份就骨多咗少少，要慢慢食。手切牛肉都幾靚仔，根據餐廳指示， 8秒就可以食，8秒真係啱啱好，耐少少就