立鮨 (金馬倫廣場)

Open Now

Now Closed

之前係銅鑼灣食過呢間立食壽司店，覺得質素幾吾錯，今日係尖沙咀行街經過見到有分店，決定encore，呢邊原來有高櫈坐，吾需要立食。今次想試下omakase，有4款刺身、6款壽司、手卷同麵豉湯。刺身有帶子、中拖、深海池魚同牡丹蝦，壽司方面有海膽、大拖、金目鯛、赤貝、鰤魚同銀鱈魚，食材一如以往，非常新鮮，魚生夠厚身，鮮味之餘又不失口感。銀鱈魚通常食開西京燒，壽司反而真係第一次食，對呢間壽司店又多一個記憶點。手卷一般都會係蔥花吞拿魚蓉，魚蓉塞到滿曬，多到漏埋出黎，可見得用料一啲都唔吝嗇。有咁多好野食唔好以為好貴喎，價錢都只係$380，性價比真係非常之高。