洪師父牛肉麵

Open Now

Now Closed

今日同個朋友去睇完wild wild show 😍 所以喺亞博搭返車出去東涌出嚟搵嘢食，我哋行咗好多間舖頭，最後我哋揀咗呢一間牛肉麵。原先諗住都冇乜期望，求其食個麵或者飯，所以我哋就嗌咗兩個套餐，兩個便當。我就嗌咗一個豬軟骨便當，我個朋友就嗌咗一個炸雞排便當，個豬軟骨好好味😋係估唔到咁好味，嗰個炸雞排亦都好大份，亦都好香脆，兩個套餐都好大份，我哋經已叫小飯，但係都係食唔晒。我哋仲叫咗一個花枝丸小食，個花枝丸好好食，特別推介👍🏻佢有茶提供，飲晒都會有人同你refill，職員態度都好好，係比想像中好嘅一間小店。人均$100都唔使，有咁嘅質素， 值得一試wow 😜