龍寶酒家

Open Now

Now Closed

大年初一同家人一齊於旺角睇完戲後，家人提議到土瓜灣龍寶酒家晚飯。食物質素唔差，性價比OK。可惜乳豬已經售罄，唯有叫咗半隻燒鵝。另外胡椒花膠雞煲亦香味撲鼻，唔錯。酒樓環境及衛生方面就好一般。碗碟筷子等餐具就建議仔細洗乾淨啲會較安心。服務方面，職員說話係欠缺技巧，好容易得罪顧客 (尤其係新客) 而自己唔知。等緊枱的時候，我留意到負責接待的職員，其實都經常有講"唔好意思", "對唔住"。不過大部分情況都係第一句已經搞到好勞氣。到攞到枱坐低後，負責招呼我地的侍應，服務方面又幾好，無論係介紹菜式，跟進order等，都算用心。