荃灣鍋貼大王 (Closed)

好啦，今日就來到呢間近荃新天地既荃灣鍋貼大王食個晚餐。門口有個阿姐睇住個大蒸爐，入面既鍋貼係長條形，幾新奇。環境同衛生都可以接受。我來就係為左一試呢度既豬扒麵，再加碗酸辣湯。後來經過阿姐既游說，就叫多五隻鍋貼啦。酸辣湯到啦，配料都幾多，有木耳，紅蘿蔔絲，豆腐等等。飲左一啖都覺得幾暖幾開胃。然後豬排同碗麵上啦，豬排咬一口已經覺得好脆，越食越上癮。麵條就煙煙韌韌，不過因為我較為細食，所以食唔曬。最尾既鍋貼就較為失色啦，來個時個溫度已經唔夠熱。心知不妙，咬落去大失所望，冇汁流出來，結果食左一隻就唔想再食落去。