荃灣鍋貼大王 (Closed)

行入去荃灣楊屋道街市的一帶，除了買餸便宜之外，在周邊的熟食店，好多都好好食同好抵食。而且，仲有好多是陪著荃灣人成長的老店。這一次，其實不是專程來拜訪老店的，而是剛巧經過了《荃灣鍋貼大王》的門口，我立即想起了兒子每次來荃灣都想起要食的鍋貼。於是，就立即買一盒，回家同兒子分享。一買就買10隻。交給阿仔之前，自己先行在車上先消滅5隻。這兒的鍋貼，看起來不是太油，也不會太燶，而且也做到了皮脆肉香，以及入口爆汁的感覺。而這些鍋貼不會太油的原因，就是店方是用水煎的，半蒸半煎，不貼鍋的一邊皮香軟，貼鍋的底部就是香脆。如果不是為了留5隻給兒子，我一定會食晒佢。改日我們一家經過門口，我同阿仔都係忍不住，要買10件回家慢用。而家，我已經同阿仔一樣，黎親荃灣都要食一次。食唔到十隻都要食五隻。

聽老闆娘講，做埋呢個月就光榮結業，原因係業主大幅加租😭😭😭。就咁睇，環境都唔錯，幾寬敞舒適同乾淨^_^。來得呢到當然試下佢地招牌菜啦！我叫個招牌雞翼面同咸豆漿！雞翼炸得非常黃金香脆可口👍👍👍，麵直情好食到飛起！彈牙煙韌！咸豆漿好好飲，豆味香濃，多蝦乾同油條！分量十足啊！值得大家去食！

先利益申報，我很喜歡餃子麵食，自己也會包，所以也比較挑剔。今早癮起，想食餃子，特別是煎的，也叫鍋貼。荃灣早上的選擇不多，來到荃灣鍋貼大王。典型上海麵店格局，門前兩個大鐵鍋，似乎只做鍋貼，18元五隻，煎一鍋賣一鍋，因此也期待，特別是剛起鍋。最近疫情影響，外賣好了。外賣盒已削掉一角疏氣，以免有水氣影響脆到。返回公司，休息一下，不到五分鐘。煎法是水油煎法，特點快熟，又保持脆口。外型修長而平坦，便於入口。會自動跟李錦記包裝淅醋及自己入的豆瓣醬。以脆度來說不過不失，還是溫熱，所以不硬。但有别於日式的刻意添加冰花煎，脆度是不及，但還是有的。底皮較厚，所以未能脆如薯片。麵皮也可以，不硬也不靭。肉餡尚算濕潤有汁，但包也不是隻隻好，有開口了，所以汁也流失。第二肉餡是白菜肉碎，但調味稍淡，確實需要淅醋和豆瓣醬。整體而言，行過路過，鍋貼剛出鍋的，不妨買一份，是不錯，特意前往，可免了。

今日放假一個人，瞓醒後就落街搵野食啦，唔想行咁遠咁就去楊屋道街市附近果間荃灣鍋貼大王試下啦！餐廳主要都係做下街坊生意，提供麵，鍋貼，飽點食物。咁我就坐低啦，望下個餐牌有咩食，發覺食物款式都多，同埋都啱自己口味，最後就選擇左韭菜水餃麵，鍋貼5隻同埋一杯熱豆漿。豆漿就當然係最快到啦，暖暖地，可以即時入口，好香豆味，同埋唔係太甜，健康有益。跟住就到鍋貼啦，煎得好香，裡面料係肉得菜少，個皮厚厚的，煎到好脆，裡面又多汁，平靚正。跟住到韭菜水餃麵，店舖係用真正上海幼麵，身為上海仔嘅我就一定知道，唔好睇佢個湯好似白白地色好淡咁樣，其實都幾夠味，而如果想濃味一點，可以加由餐廳提供嘅豆瓣醬，而韭菜餃也非常足料，每隻餃子都包到大大隻，一個人食咁多野就真係好滿足，會再黎幫襯。

依間鍋貼話八點關，但七點去已洗梗嘢，試過買返去食已硬哂。以為早收會早開，當佢早餐店今次一早去，但原來九點半先開，剛剛開舖，一次過買幾樣返去，睇吓質素會唔會好啲。榨菜肉絲雞翼麵，有幾種麵，唔特別講就俾上海麵，粗切榨菜幾多，肉絲都見到，估唔到仲搭生菜，成碗麵不過不失。炸雞翼另上，兩隻偏細，但皮薄微脆，肉質滑，仲帶少許油，算唔錯。炸豬扒，單點一嚟要兩件，本來見多人叫都有啲期望，可惜皮唔脆，肉充滿加工味。炸韮菜餃，外表好似炸到好硬，但咬落又唔會，皮炸得透，脆感剛好，入面有韮菜同肉香，無入到油，比預期好。生煎鍋貼，今次果然唔硬，皮微軟，厚薄適中，每一口都咬到肉。但食完上面炸餃後感覺比下了，當然炸餃就貴啲。紅油抄手，當你以為佢啲餃全部好食，就錯啦！餃本身無問題，但點解有肉鬆？可能地方問題，但肉鬆同蒜一齊嘅味道真係好奇怪！成本係高咗，售價都多咗，但兩樣加起一齊就算浸湯都救唔返，完全浪費。整體質素差都幾大，麵要飽肚無問題，質素較好有炸雞翼、炸韮菜餃同生煎鍋貼，但都唔到覺好食，堂食可能好啲，但過度唔適合慢慢食，難怪個個都走去食八方。

自從轉工唔近過邊後，就同佢無緣，依間睇個名都知，其他都普通，鍋貼同生煎包出名，大大個煎鍋係門口整。不過生煎包太油，包會浸淋唔太鍾意，但鍋貼真係無嘢講，大隻，有肉，皮脆。但原來皮脆有樣唔好，今次難得有外賣，由於皮係厚而脆，外賣返到嚟唔係淋，而係硬，平時加醋都會淋，但今次浸住都唔掂，而且佢係提供紅醋，唔落得多。但放工最快過到去都準備關門，無可能堂食，就算未有嘅都整咗一段時間，情況應該一樣，睇嚟又係一間放假先食得。

數年前喺附近返工，經常都會食嘅小店，今日路過再黎食碗粉仔，鍋貼，豆漿。兒時粉仔係我至愛，當年屋邨自家製推車仔喺樓度買（真係自己屋企度製作）而買粉仔的正正同我住同一層，所以每次都食到最新鮮熱辣嘅粉仔，十分懷念，哩間有7成接近當年嘅口味，可惜唔係每次水準都保持得到，但比起較出名嘅某某狗仔粉啱我口味，而且價錢都差好遠，今次都保持到水準，煎鍋貼都唔錯，唔可以話好好食，但18蚊5 隻嘅價錢已經相當唔錯，豆漿咪豆漿囉，無咩好講啦😂而哩度啲上海麵係用粗麵，我個人比較喜歡食幼，都係哩個價錢我覺得都好OK。

過去的荃灣給予居住在香港島及九龍市區的人來說是偏遠的新界，但自從有了快速運輸系統的港鐵後荃灣交通、購物已變得十分方便，成為有很多食肆和物價也比較便宜的市鎮了。我今天路經這間荃灣鍋貼大王，看見店面有兩個圓形大平煎煱，一個大鑊在煎水煮生煎包而另一個大鑊在煎鍋貼，店員不停翻動煎鍋把生煎飽由生蒸到熟再慢煎，心中忽然冒起非常期待吃到新鮮出鑊包點的慾望，於是便入去試試。 原來這家「荃灣鍋貼大王」在區內非常有名，除了荃灣還有多間分店在新界其他市鎮。主打上海菜和其他滬式小吃，包括鍋貼、碗仔翅、酸辣湯、栥飯、紅油抄手等等…都是一般平民美食，而且價錢亦較市區平宜。這裡新鮮即做的生煎豬/牛肉飽最受歡迎，大大件只賣每個$6元，而鍋貼更是店家招牌食品，每天都有人龍等候購買新鮮出爐的煎包鍋貼。 店面有兩個圓形大平煎煱，一個大鑊在煎水煮生煎包而另一個大鑊在煎鍋貼，店員不停翻動煎煱把生煎飽由生蒸到熟再慢煎 「荃灣鍋貼大王」除了荃灣還有多間分店在新界其他市鎮 ▲生煎豬肉包 + 生煎牛肉包 (每個) HK$6 ~ 餡料充實，新鮮出爐，又香又熱。皮香脆，汁也多，肉質香甜。個人認為生

上海菜 荃灣鍋貼大王以前去楊屋道打波成日都會去樓下個街市食飯，尤其係呢間。下一次過黎唔一定食冰室架（雖然係好好食既），可以黎試下呢間鍋貼大王！最喜歡佢既鎮店之寶—鍋貼！鍋貼（$17/5件）好耐無食過啦，唔記得左佢會爆汁，要慢慢咬。點知一咬落去d汁就噴到我成手都係orz好喜歡佢夠juicy，肉既份量同埋調味啱啱好，個底有會煎到有少少焦，唔會over～極力推介大家買黎食啊！招牌豬排麵 （$27）麵就比較普通，但炸豬排做得好出色^v^ 只能說佢從調味開始已經贏曬！食落會有d甘甘地，唔會淨係一味鹹，我都好想知道佢佢獨家配方，自己試下整！加埋杯豆漿（$5）就係一餐perfect既上海餐啦！

住咗荃灣六年其實呢度好多野都食過仲有啲野食完再食例如呢啲地道港式嘅小店你間野用電裏面好多食物已經加價超過100%但係價格依然便宜鍋貼大王當然要食鍋貼香脆嘅外層唔算薄個皮好煙銀，裏面都好多肉汁隻隻都好好味我老公叫咗個豬扒雞翼菜飯豬扒唔夠香唔夠脆，不過味道幾好雞翼我見佢食得好滋味炸韭菜餃，個皮好厚，同樣肉汁好好味，而且韭菜切到粒粒大小一樣，口感好好！加上佢提供嘅醬汁好配，食落好有街坊嘅味道！下午茶黎講兩個人80幾蚊我覺得好抵

同大家介紹一下平民嘢食啦，嚟到鍋貼大王，雖然舖面唔算有D咩上海特色，裝修都較一般，但地方都算寬闊，牆上印有不同嘅平價嘢食，方便食客容易選擇。入到黎餐廳當然要試一試招牌担担麵啦，湯底濃郁噗鼻，貌似好辣咁，其實一啲都唔辣，而麵質入口彈牙，價錢$14超抵食。仲有菲菜水餃麵都唔錯，份量一般，水餃餡料十足，而且價錢又唔貴，啱晒細食嘅你。而招牌鍋貼就$14(5隻)，味道比較油膩，因為一早煎好，所以唔夠脆皮，但都好受食客歡迎，不妨一試。

那天專程到荃灣楊屋道街市逛逛，買嘢前先醫肚，路經這間荃灣鍋貼大王，看見一大鑊水煮生煎包，新鮮即做，便入去試試。生煎豬/牛肉飽（@$6）看見門口有整鑊生煎飽由生蒸到熟再慢煎，非常期待可以吃到新鮮出鑊的飽，可惜我們只吃到上一輪的飽，可能放了一陣子，飽已涷了，所以口感一般，如果是新鮮煎起，應該好吃點。鍋貼（$16/5pcs)鍋貼的皮是薄薄的，煎得很脆，肉饀亦有汁。豬扒麻辣通心米線（$34）豬扒雖然只得半塊，但炸得鬆脆，米通粉加入麻辣湯底，可以充分吸收湯汁。

成日去街市都見到呢間鋪都排曬隊，呢間鋪既粉仔簡直係口感第一👍🏻 而且出面好少有整得咁好味，而且d粉仔係我既童年回憶，勁鍾意食，一嗌外賣就嗌兩大碗令翻屋企自己食，佢既面上有辣菜脯加少少豬油渣 簡直一流😋😋😋 佢既鍋貼都好好味，夠入味，夠香。同埋d阿姐次次都好好態度👍🏻👍🏻😘 碗仔翅都值得一試😝😝😜😋😋

昨午剛經過荃灣鍋貼大王，見口淡淡就想起酸辣湯那種開胃感，二話不説就入去食個痛快～店面有個圓形大平煎煱，店員不停翻動煎煱，看似很用力店內坐滿食客，環境舒適，櫈是硬坐沒有軟坐先來一碗酸辣豬扒麵（$26） - 上海麵很爽滑，酸辣湯配料很足，笋絲及雲耳絲很有口感，冬菇片大片，不過沒有豬紅絲，酸味剛好，辣度不求，一般般而已炸豬扒很脆口，脆漿落左咖哩粉帶有分外香味，外脆內軟，咖哩味與肉味很配，不過豬扒略為溥了餃子是長條形的，皮脆內暖，不過餃子內肉餡略為欠缺肉汁，咬入去沒大驚喜，味道剛好，多吃也不膩，價錢也相儀或許鍋貼大王已經不再是王了，食物質素只屬一般，不過相對價錢也相儀，整體也可接受

近日有此想念上海的小楊生煎，又不能即刻飛過去，唯有在附近食住鍋貼解下饞。荃灣鍋貼大王價格實惠，一向有唔少街坊幫襯。平時食開的鍋貼點少得，感覺上無以前好食，皮厚咗，感覺未煎透，入邊啲餡味道就keep到。生煎豬肉包同牛肉包各一，類似小楊生煎，兩個都幾飽肚。見到menu上的菜飯幾吸引，今次要咗個豬扒雞翼飯試下。菜飯入邊啲菜切得唔均勻，好大粒。雞翼同豬扒炸得唔錯，幾香酥。凍豆漿兩杯，解暑。單點7蚊，跟餐5蚊。總體來看，味道尚可又經濟，上菜速度快，ok