禮 (Closed)

收工想同朋友食吓串燒飲番杯啤酒relax吓，揀咗呢間地點方便，而且好有日式風味既居酒屋🏮燒鱈魚乾🐟鱈魚乾燒得非常脆口，配埋沙律醬，當作餐前小食一流。火炙明太子🥓平時好少喺餐廳會食到直接將明太子火炙，估唔到夾埋青瓜一齊食都幾㗎，一方面可以增加爽脆嘅口感，另一方面又可以減低明太子嘅鹹度。板煎和牛粒🧆和牛肉質非常嫩滑，配上板煎燒法除咗更加帶出牛味，亦都令到上枱時食物香氣更吸引。唐揚炸雞🍗好少會見到件件都咁大嘅炸雞，原因係會連同雞腿骨去炸，更加保留到雞嘅肉汁，旁邊仲有沙律菜可以中和返油膩感。富士蘋果煙肉卷🍎煙肉配以蘋果一齊食，感覺都幾清新，燒過嘅蘋果會減少蘋果本身嘅味道，但係會增加煙肉嘅甜味，幾特別。月見免治素肉棒🍖素既嘅免治肉棒都係第一次食到，保留左肉嘅質感，點埋蛋漿更加滑溜，入邊仲有啲軟骨嘅部份，更加有咬口。雞腎🫁雞腎爽脆，非常容易入口，一啲都唔韌。雞軟骨🦿雞軟骨燒得乾身，所以外皮更加香脆，入面雞軟骨軟硬程度適中，令到食用者有雙重脆感體驗。甜燒菠蘿🍍燒過嘅菠蘿有一種特別嘅香味，上邊加上木魚碎，更加有日式嘅感覺。脆皮白鱔🐠白鱔肉非常嫩滑，雖然有幼骨，但係非常薄身係可以食到嘅。而且白鱔皮燒至金