麥奀雲吞麵世家 (荃新天地)

Open Now

Now Closed

沒有印象以前有冇食過佢，但好多年前聽過長輩彈過佢雲吞麵麻麻又貴又多味精，所以一直冇試。當佢被米芝蓮推介就好奇了，老外識評雲吞麵咩？先說麵質， 銀絲細麵，有彈性得來又夠滑夠爽身，不是鐵絲貨色，好！但就沒有什麼蛋香味，以麵來說還是當年澳門黃枝記最好。再來是湯， 湯色清澈但不夠深沉，喝下味道偏鹹，有濃烈嘅胡椒味，太搶了，餘下味道淡薄不夠鮮味，好普通的一個平價湯底， 不像是名店出品。試下雲吞，細粒扁平，就只有一隻蝦，鮮味一般，冇豬肉蝦子大地魚粉吊味， 感覺寒寒酸酸。皮好在未有霉爛。淨水餃餡料豐富啲大隻啲， 不過蝦的鮮味就更少， 只有爽似乎是下了梳打粉，味道人工化。好在木耳夠脆口爽口，但味道幫不了多少。而接口的皮好厚好實， 一口吃下好像吃麵團一樣，口感差。 講到尾都係控製成本，唔捨得畀多啲餡料，撐不起塊麵皮。又奀又細又貴，就是現今香港社會的最佳寫照。