神經餵飼 (Closed)

原本想搵一間位於太子嘅Cafe打發時間，喺度發掘緊有邊間Cafe適合嘅時候，突然醒起神經餵飼。以前試過喺度叫咗個lunch set同杯咖啡，由於佢入座後唔限時，可以坐底慢慢嘆杯咖啡，悠悠閑閑咁過咗一個下午。今次我叫左杯latte，唯一美中不足嘅係杯咖啡唔夠熱，只係暖暖地。雖然飲食方面好似冇以前咁好食，但值得讚嘅係佢地啲menu成日都唔同，每次嚟都可以試吓唔同款式，同埋勝在佢可以唔限時間坐，適合同朋友嚟吹下水。可能今次係下午茶時間嚟，所以冇咩人排隊，記得以前嚟食晚餐有好多人等位。