走過十萬八千里找到你

Open Now

Now Closed

午餐時間又嚟到杏花邨商場搵食，見呢間cafe個名—走過十萬八千里找到你，幾得意就入嚟試吓。食物類型係西餐，價錢唔算太貴，午餐食到三點，跟餐飲品就凍熱都一樣要加錢。加咗一杯熱奶茶，飲品先到。 係英式嘅奶茶，要自己加奶同加糖，味道淡淡地，不過可以接受。海鮮龍蝦汁燉飯，熱辣辣上枱。份量都算幾多，裝到個大碟滿滿。整體質地都比較濕，但係龍蝦汁好香，鹹淡適中，而且海鮮份量都唔少㗎。比較晏入嚟，冇咩人，所以食飽仲可以慢慢坐多陣。