茶閒裡

Open Now

Now Closed

上次和朋友試左啟岸1樓的西餐廳, 今次就試下呢間係附近新開的茶館, 裡面裝潢餐椅都是木系, 地方寬敞舒適, 很優雅和寫意~這裡提供簡單的3款菜飯套餐, 包括雞翼、雜菌臘腸或鰻魚，奉送清茶一杯, 有兩款供選擇, 配菜方面就有黃桃和小蕃茄。我地就叫左雞翼菜飯套餐 ($85)和鰻魚菜飯套餐($95)雞翼表面好似小小煎過, 幾入味，雞肉嫩滑, 加上小小芝麻, 食落更香~鰻魚鮮美多汁, 肉質柔軟, 配埋菜飯一齊食, 都幾夾, 有肉有菜, 健康啲~ 茶點 #伴茶左右#烏龍茶mini林明頓 烏龍茶味比較小食所以試下, 入口有很香烏龍茶味道，口感軟滑，甜而不膩配茶唔錯正山小種紅茶:產地福建武夷山, 茶葉經松木熏製而成，有著濃烈的松煙香, 香氣是松煙, 桂圓香, 茶味甘甜中略帶點煙味, 好飲~氣泡茶: 逐風 (茉莉雪芽, 荔枝, 鳳梨) Lychee Sparkling tea:呢杯氣泡茶好靚, 真係好適合打卡, 所以只限凍飲, 哈哈, 飲落有驚喜, 荔枝海鹽味好清新, 茉莉雪芽清香餘韻, 推介~呢到都有好多不同特色的茶系飲品可供選擇, 和朋友一齊邊飲茶閒聊, 真係好享受。