豪園麵家 (Closed)

今次係我第二次到訪, 上次食完覺得呢到係一個人少少好清靜, 又坐得舒服既餐廳, 所以決定再次光臨。點了一個常餐, 才發現早晨時段食常餐並沒有特別優惠。姐係話其實我唔需要十一點前趕到黎, 都食到我想食既早餐。經典常餐之 沙嗲牛肉公仔麵我係一個不折不扣的沙嗲牛控, 最鐘意食沙嗲牛肉公仔麵, 有得揀都一定會揀食佢。呢到既沙嗲牛無咩特色, 入口雖然好滑同無筋, 但味道一點沙嗲香都無, 食落會覺得好沉悶。經典常餐之 沙嗲牛肉公仔麵方包烘底後都唔算太脆, 可能本來包身比較濕, 不過入面牛油搽得好足亦好均勻, 幾有誠意。火腿奄列用料好足, 滿滿都係火腿, 可惜都係患有茶餐廳通病, 就係煮得太老。就算我「鼻B」叫左個炒滑蛋, 睇落都係似煎芙蓉蛋一樣甘老。喜歡呢到既凍檸茶, 茶膽夠澀, 會飲到尾調既少少回甘。