Hit the Road (Closed)

Hit the Road 位於銅鑼灣，最岩港島人士收工去。選擇困難症既朋友可以考慮叫set。由餐湯、主菜以及甜品，都係有一定水準。餐湯磨菇湯配新鮮麵包，湯入面有磨菇粒打成既蓉，加上佢細細杯好開胃，配包一流。主菜我試左大蝦蕃茄蒜蓉粒秋葵意大利粉及香蜜雞扒羅勒長通粉，前者食落好香、有蕃茄香同蒜味，大蝦都爽口，有泰式風味既感覺，後者羅勒同長通粉好夾，好入味。雞扒燒得岩岩好，唔會話好老。蜜汁唔會太甜剛剛好。前往當日係我男友生日，上網預訂出示身份證確認有甜品送。焦糖菠蘿花，好靚又好食，上面仲有花瓣。另外點左個必嗌既Apple Crumble 配雪糕，好好味平日晚上去最舒服，又可以靜靜地享受晚餐同傾計，又可以望下馬場景。推介。