Café Moa Moa by Panash (Closed)

午飯時間，想搵間坐得舒服又唔多人既餐廳就黎左依間啦！ 已經食過幾次，覺得野食唔差，環境幾好，又幾好坐， 就當比自己relax下啦。依到waiter唔多，得3-4個，但手腳好快。 餐牌同幾個月前食既有d唔同。今次點左石鍋飯，由於係set, 所以會包埋麵包放題、餐湯/沙津、甜品同餐飲。點好set，佢會比個籃黎去拎麵包，對於麵包放題，佢有好多款，但我至愛係牛角酥同墨西哥包。 set可以揀餐湯/沙律，而我就揀左忌廉湯，不過不失。 石鍋飯好夠熱，會令個飯有少少脆，而且d汁岩岩好，有驚喜，因為一向覺得佢地既餐好普通.... 最後就係甜品同餐飲，奶凍都幾smooth! 埋單加埋一80幾蚊，仲會有張積分卡，可以用黎買麵包/當現金卷用。