Video
Read full review
2024-03-07
121 views
約咗朋友聚舊，友人愛吃法國菜，所以特意選了擺花街這間充滿歐陸情調嘅法國餐廳「La Brasserie」。餐廳以軍藍色為主調，店內空間寬敞，分為主餐區和酒吧區。用餐區設有半露天座位，藍白藤椅，感覺悠閒舒適；而酒吧區則採用雲石飾面配古銅吧櫈，格調沉穩，氣派優雅。我哋點咗兩個 3-course Set Lunch ($398)，點完餐後，店員隨即送上餐前麵包。前菜選了 Tartare de Saumon 及 Oeuf 63 (+$48)。三文魚賣相好吸引，肉色粉嫩，入口帶淡淡煙燻香，加上以微酸嘅檸檬醬汁作伴，味道非常清新。至於另一客以攝氏63度烹調嘅水煮蛋，水準亦一流，蛋白剛熟，蛋黃呈流心狀，入口蛋味好香濃，配面頭嘅黑松露薄片吃，啖啖幽香。主菜揀咗 Confit de canard (+$78) 同 Bouillabaisse，鴨腿外皮酥脆，鴨肉嫩滑多汁，入口鹹香油潤又唔會過韌，配墊底嘅玉米蓉吃，充滿法式風味😋另一道法式海鮮濃湯，亦屬必食之選，睇下材料幾豐富，內有鮮蝦、青口和香煎魚肉等，湯身 creamy 滑溜，入口鮮味濃郁，蝦肉爽彈，青口挺身，連同高湯精華呷入口，鮮味滿瀉！最後係甜品時間，
約咗朋友聚舊，友人愛吃法國菜，所以特意選了擺花街這間充滿歐陸情調嘅法國餐廳「La Brasserie」。
餐廳以軍藍色為主調，店內空間寬敞，分為主餐區和酒吧區。用餐區設有半露天座位，藍白藤椅，感覺悠閒舒適；而酒吧區則採用雲石飾面配古銅吧櫈，格調沉穩，氣派優雅。
我哋點咗兩個 3-course Set Lunch ($398)，點完餐後，店員隨即送上餐前麵包。前菜選了 Tartare de Saumon 及 Oeuf 63 (+$48)。
三文魚賣相好吸引，肉色粉嫩，入口帶淡淡煙燻香，加上以微酸嘅檸檬醬汁作伴，味道非常清新。
至於另一客以攝氏63度烹調嘅水煮蛋，水準亦一流，蛋白剛熟，蛋黃呈流心狀，入口蛋味好香濃，配面頭嘅黑松露薄片吃，啖啖幽香。
主菜揀咗 Confit de canard (+$78) 同 Bouillabaisse，鴨腿外皮酥脆，鴨肉嫩滑多汁，入口鹹香油潤又唔會過韌，配墊底嘅玉米蓉吃，充滿法式風味😋
另一道法式海鮮濃湯，亦屬必食之選，睇下材料幾豐富，內有鮮蝦、青口和香煎魚肉等，湯身 creamy 滑溜，入口鮮味濃郁，蝦肉爽彈，青口挺身，連同高湯精華呷入口，鮮味滿瀉！
最後係甜品時間，可以喺甜品櫃內任選一款 pastry，點咗 Lemon Earl Grey Meringue 同 Hazelnut Paris Brest。
檸檬撻酸度超足，加上面頭香甜幼滑嘅蛋白霜，味道一流！泡芙新鮮出爐，咬下鬆脆，榛子醬綿密細膩，入口甜而不膩，為這頓午餐完美作結。
Post
