三尖外賣煲仔飯

Open Now

Now Closed

在外國生活了幾年, 雖然當地也有各國的美食, 奈何還是會缺少一些香港的"家鄉菜”, 其中煲仔飯絕對是我其中一款最愛. 回來的7天檢疫中, 看見居然有外賣煲仔飯, 覺得非常驚奇. 要知道除非原煲送來, 否則放在外賣盒中煲仔飯通常只剩餘溫, 飯焦亦香味口感盡失, 不如不吃. 但因為在apps中只此一家, 所以抱著一試的心態落單.估唔到有大驚喜： 我叫的是黃金流沙肉餅飯和焗蜆. 先講焗蜆, 雖然蜆仔細細, 但鮮味十足, 熱度亦足夠, 最緊要是食晒成盤都無沙, 唔駛一路食一路吐（沙）, 痛快. 然後到肉餅飯, 飯夠熱, 肉餅真心厚, 我懷疑不太喜愛肉餅的人根本食唔晒, 最神奇的是明明個錫紙煲外面冇燶, 如何可以做到有飯焦？酒店的食品質素欠奉已是預料之中, 不過食了好幾天也難免開始厭惡. 幸好有這救星, 滿足了難受的腸胃, 一掃鬱悶的心情.