Hungry Monkey (海之戀商場) (Closed)

之前已經嚟過一次，近排好多朋友又講起這間餐廳，所以決定再嚟食多次。😍餐廳裝修有啲日式風格又帶點fusion，其實經過好多次都被個外觀吸引咗。🤣餐牌嘢食好特別同埋有創意，樣樣都想試下，但係得兩個人費事眼闊肚窄，嗌住幾樣前菜試下先😝。蟹膏份量絕不稀場，再配上師傅香煎過嘅豆腐，每一啖都非常有口感，鹹香蟹膏配合香煎豆腐，兩者味道非常夾。清酒煮蜆用左禮物紙包住，拆開嗰下好有儀式感🤣。冇諗過呢個價錢食到咁大分既煮蜆，先不論啲蜆肉肥美鮮甜、粒粒脹卜卜，湯底酒量調得啱啱好，唔鍾意飲酒嘅我都覺得好容易入口，忍唔住飲咗幾啖！🍷海鮮炒飯配料非常充足，淡淡都係魷魚肉，師傅每樣菜式都係分開炒過同調味，海鮮份量好多，炒飯非常軟熟而且粒粒分明，好夠鑊氣同埋份量，本身以為一人一個飯先夠，點知分咗第一個飯大家已經好飽，沒想過份量咁多！最後仲嗌咗個馬卡龍窩夫，窩夫中間夾咗厚實嘅朱古力雪糕，口感層次都好豐富。窩夫口感偏淋但亦都保持到軟糯口感😋。馬卡龍中間係焦糖味同朱古力味，甜到啱啱好，但係建議先食馬卡龍再食窩夫，咁樣先唔會被濃郁既朱古力雪糕蓋過咗其他味🤣。