花花世界. (Closed)

黎到玫瑰咖啡室，一入嚟嘅感覺就係好似去咗童話世界咁樣。餐廳室內嘅設計同埋裝修風格適合各情侶同埋閨蜜聚會。好！先講講食物嘅質素。我哋就點左個餐湯跟住配上西冷牛扒同埋燴飯。整體嘅質素非常之唔錯，服務員都好耐心咁等候我哋點餐同埋擁有甜美嘅微笑。餐湯羅宋湯令人胃口大開令跟住落嚟嘅主菜食到津津有味，西冷牛扒我選擇咗七成熟，唔太生唔太熟口感啱啱好。加上鮮嫩嘅肉汁應該係配合左餐廳入面廚師嘅手勢先能夠做到如此美味嘅菜式。整體都令我非常之滿意。然後到黑松露燴飯，飯粒口感適中容易入口，分量適合食量較少嘅女士，貼合咖啡室嘅主題同埋格調。味道濃郁令到我胃口大開，配上周圍嘅裝飾設計真係令人好似落咗仙境咁。其中仲有個鞦韆嘅位置可以比客人或者朋友影相，可以成為打卡勝地。整體餐廳綜合左食物嘅質素、環境嘅格調、裝修嘅設計都一致好評。建議大家可以不妨到旺角試一試享受一下童話世界嘅感覺。