Video
Read full review
2023-12-17
1256 views
其實同好多人一樣，被E神吸引，慕名而去，當然仲有CNN嗰篇報導，因為我本身係港式奶茶迷。。。OK入正題。我哋兩個人點了的東西逐樣點評：1. 熱奶茶$20: 大哥遞埋嚟倒咗幾啖落枱，冇俾紙巾擦番，要自備紙巾吸番乾淨個杯底。講番杯茶先，冇乜茶香，有明顯澀口感覺。小弟從小學開始飲港式奶茶30年，過百間就一定有，呢杯只能算係中等水準。為飲杯好奶茶嘅，其實去大快活同麥當勞仲好啦。2. 凍奶茶(少甜)$22：絕對冇做到少甜，所以都幾甜下，茶味同熱的差不多，冇咁澀，但都係冇咩茶香的，甜味掩蓋一切，似飲奶糖水。3. 咸牛肉蛋三文治(烘底)$15：面包入口好鬆脆，烘得有點偏乾身，味道冇咩問題，幾好。問題係：蛋同咸牛肉真係少到離晒譜，大概就3-4mm厚，蛋好薄，好少咸牛肉，所以冇咩咸牛肉味。4. 豬扒一丁面$30: 豬扒份量足，味道亦唔錯，帶些少肥肉香，唔會乾柴，味道唔知點形容，有啲黑椒汁味嘅感覺。至於個面，真係一言難盡，同之前某啲師兄評價一樣，係未煮夠時間就上，個面最多煮咗分半至兩分鐘，面條未煮熟晒仲白白哋，另外一碗(5)都係咁。冇一丁嘅味粉香，亦冇蔴油香，不過枱面有一支蔴油俾你自己落到夠，但一丁個味粉
我哋兩個人點了的東西逐樣點評：
1. 熱奶茶$20: 大哥遞埋嚟倒咗幾啖落枱，冇俾紙巾擦番，要自備紙巾吸番乾淨個杯底。講番杯茶先，冇乜茶香，有明顯澀口感覺。小弟從小學開始飲港式奶茶30年，過百間就一定有，呢杯只能算係中等水準。為飲杯好奶茶嘅，其實去大快活同麥當勞仲好啦。
2. 凍奶茶(少甜)$22：絕對冇做到少甜，所以都幾甜下，茶味同熱的差不多，冇咁澀，但都係冇咩茶香的，甜味掩蓋一切，似飲奶糖水。
3. 咸牛肉蛋三文治(烘底)$15：面包入口好鬆脆，烘得有點偏乾身，味道冇咩問題，幾好。問題係：蛋同咸牛肉真係少到離晒譜，大概就3-4mm厚，蛋好薄，好少咸牛肉，所以冇咩咸牛肉味。
4. 豬扒一丁面$30: 豬扒份量足，味道亦唔錯，帶些少肥肉香，唔會乾柴，味道唔知點形容，有啲黑椒汁味嘅感覺。至於個面，真係一言難盡，同之前某啲師兄評價一樣，係未煮夠時間就上，個面最多煮咗分半至兩分鐘，面條未煮熟晒仲白白哋，另外一碗(5)都係咁。冇一丁嘅味粉香，亦冇蔴油香，不過枱面有一支蔴油俾你自己落到夠，但一丁個味粉呢？
5. 紅腸太陽蛋一丁面$24: 紅腸三舊夠晒厚，食落都幾滿足！蛋冇咩好講，煎得幾靚。至於面就同上面(4)嘅問題一樣，唔重覆了。兩碗面都有搭些少生菜，係好事嚟。
6. 淨雞翼(一碟)$36: 雞翼味道唔錯，唔係純粹嘅豉油雞汁燜，有點葱油香味。雞翼已經做到差不多入口就骨肉分離，冇雪水味，中上。
總結：茶檔生意幾好，一早去都要排成半個鐘先有得坐低叫嘢食，可惜等待並沒有換來預期中的食物質素。老闆平時都好鍾意上IG分享，假如你睇到呢個食評，希望你review下你餐牌上每一樣食物同飲品嘅水準，始終好味先有回頭客，賣情懷就只得一次。
紅腸雞蛋面
$36
209 views
0 likes
0 comments
豬扒面
$36
262 views
0 likes
0 comments
淨雞翼
$36
351 views
0 likes
0 comments
Post
