Doux (Closed)

今日黎到旺角，黎到一間一直都好想去嘅餐廳，眼見正評爆燈，就去試下係咪真係咁正先，上到去個環境暗暗地，都幾好氣氛，大約有十五張檯啦，侍應嘅服務態度都唔錯，我地分別叫左一樣嘅水果茶「蜜梨番石榴茉香花茶$68」，黎到好有視覺效果，即場煲，煲到滾就飲得，好驚喜地個甜度唔會太甜另帶有果味，真係唔錯！到前菜我地食左個「輕煎北海道帶子甘藍沙律$128」，個帶子係真係做得幾好，輕輕煎一下，唔會過熟，做到鮮味嘅效果，而沙律就有意大利黑醋伴！主食就食左「法國活藍青口香檳忌廉汁意粉$138」，藍青口新鮮，主環個香檳忌廉汁做得好好，個味好中！而主菜就食左「紐西蘭鮮肉眼$368」，足16oz，好大塊好有份量，七成熟就真係七成熟，另外仲配薯菜，唔錯！最後甜品叫左「ruby peach $98」，酸酸甜甜嘅蜜桃mousse同sauce，係幾開胃！