Weinstube (Changed Hand) New Restaurant

特別嘅奧地利食物餐廳，相當地道，老板娘好親切，食物好好味，最好訂位去!是一間食奧地利食物嘅餐廳，餐廳分兩部，一面係開放式酒吧，一面係餐桌。 地方唔大，想食訂位會好d(星期五六日一定要訂位)!格仔枱布，加埋d裝飾，有家庭感覺，好舒服。 老板娘好和藹可親，知道我們生日，仲免費送雞尾酒比我們慶祝。食物款式十分似德國食物。 我們點咗芝士盤、什腸、羊仔肉和燒豬脾，食物水準出乎我所料，尤其羊仔肉和燒豬脾，好好味，鮮嫩又多汁，正! 相反，雜菜湯就無特別，可以唔試。不過由於太多人等位，老板娘再三提醒我們要準時交枱，是有d美中不足!