山

Open Now

Now Closed

壽喜燒✖️Omakase $988🪭前菜三點🔸🍅蕃茄灑上淡雪鹽🔸北海道水雲🔸熟蝦配琥珀合桃水雲係一種外形好似髮菜既海藻，三文魚子搭青瓜，酸酸地，好開胃。🪭燒鱈場蟹拌雲丹鱘魚子用日本禾稈草煙燻，一打開蓋，禾稈香氣衝哂出黎。鱈場蟹上伴著金箔、鱘魚子，令到食材更加昇華左。🪭甘鯛立鱗燒配松露汁魚鱗好脆，好似食緊薯片咁。魚肉亦保持到細嫩，搭配松露汁，好正😋🪭季節壽司三貫🔸鱸魚 🔸深海池魚 🔸金目鯛三款魚都好新鮮，口感爽嫩，漬物配搭好。🪭壽喜燒🔸佐賀A4和牛🔸日式時令菜籃有專人即場整壽喜燒，自己選擇熟成度，佢會等你食完一片先整第2片俾你，和牛好大片，每人總共有3片，甜且味道濃，最後以唔同款既菜收尾。🪭季節雪葩柚子味，食完和牛可以解一解油膩感。🪭特濃蟹粉烏冬蟹膏特別用火爐分開上，保持住溫度，將蟹膏淋落烏冬到食，可以因應自己既口味落唔同酸度既醋，將呢個料理再升級。🪭和風鮮果雪糕拿破崙好好食，香酥脆口，牛油味好重，作為甜點好滿足。店鋪裝修風格好明確，座位寬敞，仲有個戶外地方，同朋友傾計飯聚一流。