Video
Read full review
2013-05-25
221 views
1月19日, 去到吉之島, 想食番呢個大戶屋, 因為都有一段時間冇食, 加上都有唔少人攞飛仔, 應該仲有保證卦~ 等咗大概20分鐘, 就有得入座~::: 特製漢堡扒配和風濃燒醬汁定食 ::: $95個名都真係改得幾吸引, 又特製呀又濃燒醬汁咁, 啱晒一向好重口味嘅呀比~ 上枱嘅定食有齊漬物、麵豉湯、前菜、白飯, 最引人嘅就係個煲, 一個錫紙嘅包裝, 就係包住個和風濃燒醬汁漢堡扒~ 個名夠吸引, 但係其實又即係一塊漢堡扒, 加d照燒汁咁, 再加d蘿蔔薯仔, 用錫紙包住佢就係… 先講主菜漢堡扒, 因為醬汁好夠濃, 個漢堡又入味, 加上唔會好韌淋淋地係唔錯, 不過竟然個漢堡扒有碎骨, 呢樣野就有d唔設合漢堡扒嘅特性… 所以一路食, 都唔可以大口大口咁食, 因為隨時會咬到碎骨… 其他配菜如薯仔蘿蔔, 味道夠, 只不過唔夠淋, 有d硬… 反而右下角個前菜幾好味, 菠菜同d菇個味道幾甜~::: 滑蛋燒雞盒子飯 ::: $85呢個滑蛋燒雞盒子飯賣相都唔錯~ 不過食落就令人頗失望! 首先滑蛋唔夠滑, 無乜蛋汁之餘質地亦較乾… 根本就溶入唔到d飯度. D燒雞用上雞胸扒, 肉質嚡口, 味道又淡… 本身滑蛋
::: 特製漢堡扒配和風濃燒醬汁定食 ::: $95
個名都真係改得幾吸引, 又特製呀又濃燒醬汁咁, 啱晒一向好重口味嘅呀比~ 上枱嘅定食有齊漬物、麵豉湯、前菜、白飯, 最引人嘅就係個煲, 一個錫紙嘅包裝, 就係包住個和風濃燒醬汁漢堡扒~ 個名夠吸引, 但係其實又即係一塊漢堡扒, 加d照燒汁咁, 再加d蘿蔔薯仔, 用錫紙包住佢就係… 先講主菜漢堡扒, 因為醬汁好夠濃, 個漢堡又入味, 加上唔會好韌淋淋地係唔錯, 不過竟然個漢堡扒有碎骨, 呢樣野就有d唔設合漢堡扒嘅特性… 所以一路食, 都唔可以大口大口咁食, 因為隨時會咬到碎骨… 其他配菜如薯仔蘿蔔, 味道夠, 只不過唔夠淋, 有d硬… 反而右下角個前菜幾好味, 菠菜同d菇個味道幾甜~
::: 滑蛋燒雞盒子飯 ::: $85
呢個滑蛋燒雞盒子飯賣相都唔錯~ 不過食落就令人頗失望! 首先滑蛋唔夠滑, 無乜蛋汁之餘質地亦較乾… 根本就溶入唔到d飯度. D燒雞用上雞胸扒, 肉質嚡口, 味道又淡… 本身滑蛋應有嘅甜味又欠奉, 加埋d紫菜塊又黐埋d飯度一舊舊… 成個飯淡口無味又一patpat… 好失望…
跟餐嘅麵豉湯不過不失啦~ 蔥絲夠多~ 不過好似鹹咗少少…
可能都幾耐冇食, 所以今次覺得佢嘅水準下降咗, 不論係個漢堡扒, 又或係個滑蛋雞, 入口就已經有失望感… 不過, 都見到隔離枱有日本人食, 又食得好滋味咁, 可能佢地食嘅係燒魚, 好d卦…
Post
