Video
Read full review
2016-11-26
1610 views
為咗慶祝生日，提早一星期訂枱同埋花蟹湯底。訂了八點，朋友七點幾接近八點去到坐低，其後我八點去到，一坐低先俾人教訓，做乜七點幾黎霸住張枱令佢做少咗生意。真係好奇怪，俾枱嗰陣又唔出聲，之後人齊就開始教訓我哋？ 一坐低個女嘅負責人就係咁俾說話客人聽，呢啲係咩服務？之後仲離譜！我哋叫晒野，然後一而再，再二三問佢：之前訂咗嘅湯底呢係咪留咗單啊？點解咁耐仲未到嘅？個囡嘅負責人重複喺度講話要等一陣架嗰個湯底呢啲蟹要炒要整。於是乎我哋等左超過一個鐘直到九點幾都未有湯底俾我哋打邊爐。再追問第二個負責人先話原來冇晒我哋訂個湯底。如果係咁，預訂黎有咩意思呢？如果冇又唔一早講，點解要三催四請左咁多次，一個鐘頭後先話冇呢？之後個負責人話，我哋最多玩個好貴嘅中蝦湯底俾你地啦。於是我地再等多15分鐘，點知黎到係一個一般鋪頭5分鐘都唔使已經可以有嘅普通湯底，中求其用啲好普通嘅蝦三小隻就話係好貴嘅中蝦湯底來敷衍客人。真係好離譜無論食物同質素服務連去大家樂打個邊爐都不如。打邊爐最緊要係乜嘢？連個波都比唔到客人請問咩叫打邊爐呢？食物開天殺價，然後食到一肚氣，一間咁嘅鋪頭可以喺九龍城仲生存到真係難以想像，最後到一半我哋決定走
為咗慶祝生日，提早一星期訂枱同埋花蟹湯底。訂了八點，朋友七點幾接近八點去到坐低，其後我八點去到，一坐低先俾人教訓，做乜七點幾黎霸住張枱令佢做少咗生意。
真係好奇怪，俾枱嗰陣又唔出聲，之後人齊就開始教訓我哋？ 一坐低個女嘅負責人就係咁俾說話客人聽，呢啲係咩服務？
之後仲離譜！
我哋叫晒野，然後一而再，再二三問佢：之前訂咗嘅湯底呢係咪留咗單啊？點解咁耐仲未到嘅？
個囡嘅負責人重複喺度講話要等一陣架嗰個湯底呢啲蟹要炒要整。於是乎我哋等左超過一個鐘直到九點幾都未有湯底俾我哋打邊爐。再追問第二個負責人先話原來冇晒我哋訂個湯底。
如果係咁，預訂黎有咩意思呢？如果冇又唔一早講，點解要三催四請左咁多次，一個鐘頭後先話冇呢？
之後個負責人話，我哋最多玩個好貴嘅中蝦湯底俾你地啦。於是我地再等多15分鐘，點知黎到係一個一般鋪頭5分鐘都唔使已經可以有嘅普通湯底，中求其用啲好普通嘅蝦三小隻就話係好貴嘅中蝦湯底來敷衍客人。
真係好離譜無論食物同質素服務連去大家樂打個邊爐都不如。打邊爐最緊要係乜嘢？連個波都比唔到客人請問咩叫打邊爐呢？
食物開天殺價，然後食到一肚氣，一間咁嘅鋪頭可以喺九龍城仲生存到真係難以想像，最後到一半我哋決定走啦，食餐安樂茶飯都唔得，當啲客係乞兒，絕對唔會有下次！
Post