輝哥火鍋

Open Now

Now Closed

一行三人打邊爐聚會，朋友揀咗呢間餐廳打邊爐。叫咗一個鴛鴦鍋，一碟手切牛、桂花蚌、鱔片、芋絲、黑毛豬肉片、炸魚皮、蘿蔔、炸芝士牛肉丸、萵筍和西洋菜。每一碟份量非常足夠，都好大碟，三個人食的確有啲多😅 蕃茄薯仔湯底好鮮甜，最鍾意食嗰碟手切牛，好滑好有牛肉味，另外一碟熟食小食炸芝士牛肉丸好濃郁，淡淡牛肉味和芝士味，兩種味道分明。仲叫咗竹蔗茅根下火，一支支的，非常好！👍🏻 服務態度OK，侍應都好快速同你落單和上菜，三個人食咗一千七百幾蚊，價錢唔算平。

行過人間煙火，發現一家有情有味的火鍋樂園。輝哥開的店，感覺好有家的味道👨‍🍳！一落座，先俾人送上酸酸甜甜嘅酸菜和焦香四溢嘅花生，醬汁盤都準備嘅五彩繽紛，飲品選了酸梅湯同竹蔗水，清新解渴，同埋還得閒歎下氣等朋友。呢度嘅雪梨豬肺湯底嘅，豬肺鮮嫩得滑，入口即溶😋！而麻辣湯底嘅火力足夠，辣得過癮卻又不過頭，重點係鍋底埋藏嘅材料好豐富！炸響鈴，順滑嘅口感加上微微嘅脆，一浸湯起勢，一秒得意落肚，仲有那個$298鴛鴦牛，肥瘦相間，神奇地富有口感但又唔會太韌，佢正到爆！此外，牛柏葉、四寶丸、墨魚滑、蝦滑同埋芝士牛丸，每件都是精選好物，新鮮度好有保證。彩色繽紛嘅蔬菜籃同豬紅，喺湯裏游來游去，好似在講述佢哋嘅故事。宜家想起黎對件食物冇影到相，應該係太專心投入喺這場美妙嘅滋味之旅啦！總之，食完之後心情好滿足，下次一定要再嚟！🥢🥰

九龍城高質火鍋店👍🏻👍🏻平時喺九龍城食沙嗲火鍋就食得多啦，今次轉下口味，搵到呢間輝哥火鍋，我哋同行四個人嗌咗超級多嘢食，但唔記得咗影相，但呢度嘅嘢食食材都超級新鮮，佢啲手切肥牛更加冇得頂，我哋仲要嗌咗20支啤酒，老細仲好好人送多4支比我地，下次一定會再幫襯！！！

－ 家人今晚原來訂咗九龍城方榮記7點打邊爐，點知傍晚6:45去到人山人海，7:30仍然未有枱，唯有轉場去福佬村道嘅「輝哥」。呢度環境明顯坐得舒服，服務態度亦十分好。以食物質素嚟講，價錢相當合理，牛肉亦大大碟👍🏻

又到要反Farewell劉大哥嘅時候搵咗好多間，問咗好多間，打咗好多次電話最後發現輝哥火鍋有一個小小嘅私人空間雖然唔係一間房不過自成一角都幾好大家都未試過輝哥火鍋就即管試一試大家都認為佢嘅牛肉係非常唔錯好新鮮，未去到嗌最貴嗰隻都覺得好好食而且呢度啲筒蠔非常大隻👍🏻仲有啲脆肉鯇又大份又夠爽脆大家食完都讚不絕口仲有呢度D滑都唔錯，我哋嗌左蝦滑同墨魚滑👍🏻👍🏻鮮味又彈牙仲有大家都大贊嘅炸魚皮👍🏻👍🏻同埋個蕃茄薯仔豬骨湯底本身唔明點解呢個係最貴食完就明😂啲蕃茄都好好食😋然後又俾我哋遇上輝哥👍🏻人又nice，又唔hardsell 同埋啲服務員都幾好服務吖唔似其他comment講到咁差😅我哋大家都話可以再encore🤪只係只能夠去到10:30有些少唔夠喉😂

因為同兩位閨密大家住3個完全唔同區，見屯馬開通咁興奮就一齊去九龍城食飯！重有位話想打邊爐重話岬麻甩啲都無所謂，就去咗輝哥火鍋🍲打個港式邊爐其實疫情前我經常會嚟食，近排屯馬開通咁興奮，就比個機會大家聚一聚，無論港島人定大西北都係半個鐘就到，今次重唔係we connect~三個女人擇左好補嘅人蔘醉雞湯，雞係嘉美雞，肉質鮮嫩，浸熟完都唔嚡～雪花肥牛極重牛味，唔韌無肉渣，油香味豐富，呢個價錢非常抵食！超！大！碟！炸紫菜響鈴斷即叫即炸，會炸到鬆脆，單食或拖一拖湯都非常正，必點～鴨紅無台式鴨血果隻咁Q彈，但都有煙韌口感，配麻辣湯會再好食啲！桂花蚌爽滑鮮甜，手打丸好有心機，分得出邊隻丸打邊隻丸，好彈牙！咁多樣食物唯獨黑牛柏葉我真係一般般，咬極唔爛咁，不是我的菜～我去食果日啱啱撞到老闆輝哥，佢勁熱情招呼客人，又同我介紹唔同食材，其他店員年紀稍大，但見我雞手鴨腳整醉雞就幫我手！呢啲服務態度係老牌嘅食店嘅生招牌年中成日見朋友去打邊爐，但擇老店嘅人越來越少，我而家反而會約人去呢啲老牌店，起碼食物質素有保證！

一直聽別人說到輝哥吃火鍋聽說上海的輝哥更加是當地的富豪飯堂突然好想吃牛肉，便來試試看。姐姐推介清湯，大肥牛與細肥牛相差$20 ， 所以我們點了大的。牛肉不錯啊！典型火鍋不知道如何表達。

估吾到酒樓有人食到鏍絲，我響輝哥火鍋食到玻璃雖然好細粒！都吾知好彩定吾好彩，無吞食到！比粒玻璃負責人睇……剩識話無理由……收起左粒玻璃之後話係膠:吾通我連係膠粒定玻璃都睇吾(之後强迫食左佢哋補碟菜心，道歉無一句無下次失望

終於去左食聞名已久嘅輝哥火鍋啦！今次係舊老闆請食飯，老遠去到九龍城又點話吖(笑)我地叫左個花蛤蟹煲，一放試檯各人相機出動，為蟹煲影返張寫真先(爆) 話明花蛤蟹煲當然有呢兩樣主角啦，主角超鮮甜好新鮮呀～個湯底係蕃茄味的，如果唔係蕃茄會唔會好啲呢。個煲入面仲有菜呀、菇呀、粟米果啲咁啦，都好豐富嘅。我地仲叫左蟶子王、手切肥牛、手打丸、水餃、芋頭、魚皮、紫菜響鈴等等。其實輝哥真係冇得頂，全新食材都好優質，我地叫啲野當中真係搵唔到邊樣係唔好食嘅，有機會再黎幫襯啦！

好耐無去食，今晚再去食，因食7點所以預早打電話訂位，去到輝哥在門口招呼，地下有3張大枱可坐10人，還有二樓的。坐下有酸菜，花生，醬汁盤，我哋先叫了小食，炸魚角和沙薑雞腳，酸梅湯和竹蔗水食住等朋友。大圓枱有兩個爐, 點了兩個湯底，一個皮蛋芫茜, 另一個鴛鴦湯底雪梨豬肺，麻辣。 這裡的麻辣湯底不會太麻辣，鍋底有大豆芽，豬紅，豆干很多材料，而雪梨豬肺的豬肺很軟不會韌. 炸響鈴好正，店員說浸湯三秒， 我夾住一放落湯即刻起來一秒都好好味，店員介紹$298的鴛鴦牛即是一半肥一半瘦，肉質不會韌好味， 還有牛柏葉，四寶丸，墨魚滑，蝦滑，芝士牛丸，豬肺，菜藍等各樣也很新鮮，掛住食有些忘記唔影相，整體保持水準，好好味!

話說十一月初天氣漸涼，周五放工後心血來潮想打邊爐，即興約了邊爐精朋友撐枱腳，電話打了好多間，wtsapp又問過，所有九龍心臟地帶如尖沙咀、MK等熱門火鍋店都爆滿，正想打消火鍋念頭，問到朋友話「輝哥」好食。 隨即上openrice睇下咩料到。雖然睇開食評都知有些水份好多，但呢間野食評十隻手指數完，好難貨比三家，之但係點解要揀呢間，主要係打過去問有位可以食睇圖見紫菜響鈴卷 同特級雪花牛肉好正，仲有原來間店好有歷史，開左好多年，只是唔多宣傳，係 openrice沉底。於是同朋友放工後膽粗粗入到九龍城呢個舊區打邊爐。未行到呢間店，隔離左右都有三間邊爐店，感覺都幾集中。入到店，職員唔似食評咁講態度惡劣，反而係有禮到令人有點唔好意思。一坐底即叫一碟特級雪花牛（298），雙拼珊瑚蚌同桂花蚌（114），鮮炸紫菜響鈴卷（50幾），脆肉鯇魚（80幾），手打四寶丸（蝦丸，墨魚丸，鯪魚丸同牛肉丸，110幾），湯底盡量簡單，揀左莞茜皮蛋（68）同埋一碟炸牛芝心丸。一滾湯即刻拎肥牛烚，咬入口真係超有牛味，牛脂分布平均，係會食完再想食，想無限refill，不過係荷包唔容許咁做再黎食響鈴卷，原來一物兩食，唔烚就沾泰式

九龍城一向都認為是美食集中地，火鍋店更多不勝數，今晚是突然決定打邊爐，就挑了這間，頗有名的但都是第一次光顧老闆就坐在門口做生招牌那碟牛肉真是不得了～～好林好有牛味不得不encore黑豚肉也是驚喜的，好爽口又不膩‼️‼️‼️ 小食蜆蚧鯪魚球，大大個，蜆蚧很惹味鱔片是我至愛，魚卜是差點忘記的火鍋美食黃喉是第一次試，也是爽口的，但想到是牛的某部位，就覺得不想吃了，試過便算‼️‼️‼️ 紫菜嚮鈴是獨家的，幾得意，但始終是一大匙油，吃半個就夠了‼️‼️‼️

食物質素好一般，收費太貴，一啲都唔抵食！侍應服務態度極惡劣，以為自己係出名嘅火鍋店就喺度亂咁呼喝客人。仲要等出奇地耐先至有嘢食度，絕對唔建議大家來呢間餐廳打邊爐！老實講，喺九龍城大把好過佢抵食過佢材料新鮮過佢嘅火鍋店。

為咗慶祝生日，提早一星期訂枱同埋花蟹湯底。訂了八點，朋友七點幾接近八點去到坐低，其後我八點去到，一坐低先俾人教訓，做乜七點幾黎霸住張枱令佢做少咗生意。真係好奇怪，俾枱嗰陣又唔出聲，之後人齊就開始教訓我哋？ 一坐低個女嘅負責人就係咁俾說話客人聽，呢啲係咩服務？之後仲離譜！我哋叫晒野，然後一而再，再二三問佢：之前訂咗嘅湯底呢係咪留咗單啊？點解咁耐仲未到嘅？個囡嘅負責人重複喺度講話要等一陣架嗰個湯底呢啲蟹要炒要整。於是乎我哋等左超過一個鐘直到九點幾都未有湯底俾我哋打邊爐。再追問第二個負責人先話原來冇晒我哋訂個湯底。如果係咁，預訂黎有咩意思呢？如果冇又唔一早講，點解要三催四請左咁多次，一個鐘頭後先話冇呢？之後個負責人話，我哋最多玩個好貴嘅中蝦湯底俾你地啦。於是我地再等多15分鐘，點知黎到係一個一般鋪頭5分鐘都唔使已經可以有嘅普通湯底，中求其用啲好普通嘅蝦三小隻就話係好貴嘅中蝦湯底來敷衍客人。真係好離譜無論食物同質素服務連去大家樂打個邊爐都不如。打邊爐最緊要係乜嘢？連個波都比唔到客人請問咩叫打邊爐呢？食物開天殺價，然後食到一肚氣，一間咁嘅鋪頭可以喺九龍城仲生存到真係難以想像，最後到一半我哋決定走

今晚同家人去了一間係九龍城好出名嘅火鍋店吃飯，重有幸見到老板輝哥！本身沒有想過去的，就是看見facebook 有優惠，於是便去試吓！就係個花甲蟹煲 $48 4人份量，望見真係超抵吃！咁人多自然就可以有更多選擇，所以湯底亦多叫了一個杏仁雪梨豬肺湯$98兩個湯底一齊來，確實只看已經見到充滿材料！花甲蟹煲雖然係用優惠價點，但份量十足，有大大隻花甲，原隻大蟹放在湯上，重有栗米，鮮茄，花菇，等材料，只係湯底味道就已經超美味！另外蟹肉新甜，蟹蓋內重有蟹膏！另一個杏仁雪梨豬肺湯亦非常鮮味，一望白白湯底，入口口感好滑，只是當老火湯入亦好正！工夫多，要洗得乾淨，雪梨已煲到軟滑，仍然帶甜，豬肺亦好軟熟！只是湯中材料已經填滿了一部份！咁除此之外亦有另外選擇，店員推介手切特級雪花肥牛$298，脂肪紋清楚，拖水後即可入口，肉質嫩滑充滿牛肉味，入口就有溶化嘅感覺，加上手切，師傅依肉紋切割，入口時牛肉完全沒有咬不開的感覺另外必吃嘅丸丸，當然一定要叫啦，主能手打係列，手打蝦丸$118、手打鮻魚肉$80、手打墨魚丸$108如果用彈這個字去形容外，真係好難去精準描述！咁當然味道亦好味，蝦丸亦混埋鮮蝦肉，鮻魚肉肉放了陳皮，