Video
Read full review
2021-11-17
1374 views
之前已經食過幾次夜晚，感覺唔錯，因為我想食燒肉，男朋友想食邊爐，所以前日去食咗個lunch放題，揀咗雞煲、邊爐、燒肉個種。一坐低就問食唔食雞煲，要咩辣等，因為男朋友唔算太食得辣，所以叫咗小辣，等大概5分鐘就會上咗雞煲，同時佢會開兩邊爐，咁就可以食住燒肉等雞煲熟。中途老闆娘？同一個男員工都有幫我哋搞下雞煲，同埋同我哋講大概7分鐘後食得，7分鐘後，我夾咗一舊細啲嘅雞，老闆娘就即刻行過嚟同我哋講細啲嘅雞熟曬，但大件嘅可能未熟，所以等多陣好啲，都算幾貼心。因為我好鍾意食牛同魷魚，所以即刻出去夾咗一碟，放中間個行個款牛好好食！都幾有牛味，咁應該都唔係貴戰嘢嘅，但不論打邊爐定燒都ok，魷魚有一款係切咗一格格，個款燒完真係冇味，要點醬先好食，想食口感嘅可以夾，想有味嘅就食咖喱個款啦。其他嘅肉我都冇乜點食，因為我都只係想食牛。但係！！！！！男朋友夾咗啲三文魚，食落係"叔"嘅，因為我唔食三文魚，所以我都唔知咩味，但之前夜晚去食，同行嘅人都唔覺有咩問題，咁就可能係因為食午市嘅人唔多，所以冇乜點加到嘢食，所以放耐咗。講下雞煲同邊爐先，強烈建議，食到譚仔5小辣嘅都叫中辣起，因為小辣真係差咁啲嘢咁，又唔係話佢唔
一坐低就問食唔食雞煲，要咩辣等，因為男朋友唔算太食得辣，所以叫咗小辣，等大概5分鐘就會上咗雞煲，同時佢會開兩邊爐，咁就可以食住燒肉等雞煲熟。
中途老闆娘？同一個男員工都有幫我哋搞下雞煲，同埋同我哋講大概7分鐘後食得，7分鐘後，我夾咗一舊細啲嘅雞，老闆娘就即刻行過嚟同我哋講細啲嘅雞熟曬，但大件嘅可能未熟，所以等多陣好啲，都算幾貼心。
因為我好鍾意食牛同魷魚，所以即刻出去夾咗一碟，放中間個行個款牛好好食！都幾有牛味，咁應該都唔係貴戰嘢嘅，但不論打邊爐定燒都ok，魷魚有一款係切咗一格格，個款燒完真係冇味，要點醬先好食，想食口感嘅可以夾，想有味嘅就食咖喱個款啦。其他嘅肉我都冇乜點食，因為我都只係想食牛。
但係！！！！！男朋友夾咗啲三文魚，食落係"叔"嘅，因為我唔食三文魚，所以我都唔知咩味，但之前夜晚去食，同行嘅人都唔覺有咩問題，咁就可能係因為食午市嘅人唔多，所以冇乜點加到嘢食，所以放耐咗。
講下雞煲同邊爐先，強烈建議，食到譚仔5小辣嘅都叫中辣起，因為小辣真係差咁啲嘢咁，又唔係話佢唔香、冇味等，但就係辣啲會好食啲，連我唔太食得辣嘅男朋友都係咁覺得。
邊爐嘅主要作用係淥菜，因為燒肉個邊真係少油，而菜方面，生菜係力推！煮幾耐都唔會好淋，同有爽脆嘅口感，而第二就係杏鮑菇，一直好鍾意杏鮑茹種口感，加上辣辣地嘅湯底係一絕！而油麥菜就一般，唔係話唔新鮮，係佢夾埋湯底就覺得有少少奇怪，本身油麥菜嘅味算重，加埋重味嘅湯底就完完分咗曬，湯底有湯底味，油麥菜有油麥菜味。
飲品選擇都算多，基本款，啤酒都有齊，仲有啲我冇乜點見過，例如屈臣氏嘅哥喇，雖然我覺得佢唔好飲，甜品方面都有幾款，啫喱，豆腐花，雪糕，泡芙等。
最後，男朋友食完有肚痛，應該係關件三文魚事，但我就乜事都冇，所以要去嘅一係揀晚市，一係就唔好食啲易變壞嘅食物
Post