金怡冰室

Open Now

Now Closed

大角咀今年多咗好多美食，今日嚟到呢一間一直都好想去嘅金怡冰室，聽聞佢哋嘅出品，好味而性價高！一早就上網睇吓餐牌同相，心意已經定落嚟要食鮑魚雞煲二人套餐，鮑魚雞煲加上瑤柱扒時菜做膽，拖五選一嘅海鮮，我就選咗性價比超高嘅蒜蓉蒸蟶子，送埋靚湯加白飯，都只係$208 ，都唔知去邊度搵！見到佐膳小食，口痕痕又點咗沙薑雞腳，問店員雞腳夠唔夠腍，佢話可以同廚房講聲整腍啲就得，真係窩心到不得了！出品嘅雞腳真係好夠腍，但係唔會爛晒，本身已經非常入味，點多少少沙薑鹽，豐富的骨膠原入口，黏黏地真係好好味薑蔥蒜洋蔥等炒香嘅鮑魚雞煲，比起平時就咁食嘅辣雞煲，絕不遜色，上菜已經聞到好香好香，熱辣辣份量十足，雞件鮮嫩幼滑而入味，而鮑魚嘅烹調時間非常好，有咬口而一啲都唔韌！瑤柱扒時菜，芡汁煮得濃而香甜，瑤柱嘅份量足，菜心炒得清脆，有水準！至於蒜蓉蒸蟶子，抵食夾大件，自己買自己整都未必得，蒸嘅時間剛剛好，蟶子自己蒸都好容易會過火，餐廳嘅爐火就唔同，蒜蓉粉絲咗汁，又係冇得減肥啦，因為餸飯真係一流！兩個人食四碟小菜，又有湯又有飯，係過份咗啲，但難得一場嚟到，有好嘢唔食，點對得住人生呢！想揾美食在金怡烹調細心有心思服務週到夠