花貝日本料理 (Closed)

首先，當日約咗兩點鐘，有個打扮中性化嘅女經理，問佢餐牌上嘅嘢黑哂口面，可能覺得阻住佢收工啦，勁唔滿意嘅面口。叫咗每個差唔多$500嘅吞拿魚腩丼同特選刺身丼。一嚟到見到個份量少得可憐😒精彩嘅事就嚟喇，特上刺身原來係帶骨刺身，真係一生中第一次！吞拿魚腩腥到一個點！真係從來冇食過咁差咁差嘅日本菜😒咁啱有個普通侍應見到，問我係咪有骨？我話係，長食長有，啱止一條，佢就幫我同師傅反映。可能知衰，黑面中性打扮經理過嚟帶番啲好丁丁嘅態度講唔好意思，但吞拿魚腩用話一定係新鮮，我唔知係幾多日前新鮮啦，腥到咁。呢間嘢真係可一不可再，收成$500一個丼，咁嘅質素，食到一肚氣！