茶木‧台式休閒餐廳 (康怡廣場北座)

Open Now

Now Closed

好耐冇食過台灣野啦～有排好興茶木，一想食台灣野，頭幾間諗起既必定有佢～康怡呢間茶木環境都幾開揚，氣圍唔錯，平日就少啲人，一到假日就排長龍，都算受歡迎架～💛紅燒牛肉麵湯底濃，幾好飲，幾有牛肉味😋，牛肉軟腍又入味，重點係少筋少肥～岩哂驚肥又想食牛肉既人❤️麵幾有咬口，紅蘿蔔白蘿蔔軟硬適中，都幾入味。💛鳳梨鮮果甜酸肉好多水果，有菠蘿、士多啤梨、火龍果、藍莓同荔枝。本身汁已經酸，加落菠蘿更加酸，我就受唔到啦🥴而咕嚕肉就炸到岩岩好，表皮脆，口感都okay。但係飯就唔係粒粒乾身，有啲濕同腍🫠💛芋圓仙草豆花有好多材料，紅豆、豆腐花、仙草、芋圓等等。唔太甜，普通甜品咁。😗💛凍黑糖珍珠奶茶珍珠仲大粒過條吸管，重奶茶味，苦。