海悠

Open Now

Now Closed

之前喺其他地方已經聽過呢間隱世既中菜館，今次經過觀塘熟食中心一定要過去試吓！係唔係真係好似傳聞中咁好食首先叫既一定係招牌菜炸子雞，整體來講十分滿意，雞肉鮮嫩多汁，連白肉都唔會乾柴，雞皮都煎到好入味，係唯一脆度可以再提高少少🤏半隻炸子雞兩個人食份量完全足夠，如果三五知己可以考慮叫一隻黎食～另一個餸叫左桂花蟹肉炒粉絲，三樣嘢組合一齊又好夾喎，特別係粉絲炒得好鬆身好彈牙，真係食到食唔停手！原來仲想叫黑松露蛋炒飯，不過因為兩個人裝唔到咁多野，為免口闊肚窄浪費食物，都係下次再幫襯既時候試啦！