李家 (海壩街)

Open Now

Now Closed

食盡荃灣之韓式 — 李家————————————————最近去完韓國返嚟好掛住韓國嘅炸雞， 唯有睇下附近邊度有好食嘅炸雞啦！🤔 呢一間李家本身係喺尖沙咀有店， 但俾我發現原來荃灣都有一間分店呀！一於去食下先😋 🔸 蜂蜜炸雞拼盤 食炸雞我不嬲都鍾意食蜂蜜味， 因為我個人唔係好食辣嘢哈哈🤣 呢個炸雞拼盤有雞翼， 雞腿同雞下脾三個部位，2個人食就岩岩好！😆 炸雞外皮唔會太厚， 蜜糖甜味啱啱好， 食多幾件都唔會覺得漏口🥰 🔸 鐵板燒牛仔骨 牛仔骨上到嚟熱辣辣，一共有九大塊， 每塊都大大塊有肉有脂肪，正😋 我個人係好鍾意食牛仔骨，連佢骨側邊嘅薄膜都唔會放過㗎🤣 🔸 蘋果梳打 正正常常，夠氣得嚟唔會有奇怪藥水味，兩個人share一杯都得大大枝～ Overall comment: 舖頭位置唔算話太多， 假日嘅話六點幾開始已經有客人㗎喇， 記得早啲嚟食呀！