Top Blade Steak Lab (希慎道)

Open Now

Now Closed

突然想食牛扒，好彩book咗，準時到唔駛等。店員留咗卡位俾我哋，未食已經開心咗。等齊人嘅時候，有時間仔細睇埋個餐牌，原來Flat Iron僅次於免翁牛柳，係牛隻第二嫩滑的部位。噢，明白。我試咗是日特別版招牌平鐵牛扒($248)，用慢煮方式煮至特定嘅成熟程度。我揀咗五成，但扒的外面太熟，只係最中間部位比較嫩。雖然牛肉香味幾出，但係冇「嘩」一聲嘅感覺，有啲失望；反而喜歡配菜的粟米好甜、好有炭香。牛扒本身跟薯條，夠熱夠脆，有少少松露香味，好食。我加埋餐湯同藜麥沙律($60)，兩樣都比較普通。嘢飲我揀咗Dirty Lemonade ($45) ，用黑糖漿，帶出少少炭燒味，酸甜恰到好處。想讚餐廳嘅服務員，全部都好快處理我哋嘅需要，又有禮貌，令呢餐食得幾開心。