Video
Read full review
2023-03-30
990 views
柴灣漁灣街市可以話係我兒時回憶，細細個跟媽咪去買餸時都會上一樓個熟食市場食早餐/午餐，不過隨住搬離左柴灣之後，真係冇乜機會再嚟。早幾日約左好姊妹去柴灣交收我嘅小手作，難得入嚟又見到好姊妹，就緊係唔放過機會要食飯聚一聚，就係我…我就提意去漁灣街市嘅熟食市場，等我嚟個老人想舊事，懷念一下，所以就嚟左 竹園台式火鍋飯店 食左餐豐富晚餐~雖然係叫做火鍋飯店，但我地見兩旁食客嘅小菜都唔錯咁，所以我地就叫大排擋小菜啦~先嚟 醉鵝肝，依個絕對係堅好食，超濃酒香之餘個鵝肝仲一啲都冇腥味，仲超級香滑有入口即溶嘅感覺。所以雖然好邪惡，不過總係忍唔到口食左兩件呀~邪惡感覺唔好停，我地仲叫左個 黃金麥片蝦球 ，今次都真係超晒標之作…哈哈。不過依個又真係好好食，炒得好夠鑊氣之餘，大大隻嘅蝦球都被鹹蛋黃包圍，爽口彈牙但又唔會好滯膩，真心覺得好食呀~跟住就有 砂鍋雲吞雞 ，一嚟到我地兩個都嘩左一聲，因為半只雞加雲吞再加埋娃娃菜已經把砂鍋填得滿滿，完全係四個人嘅份量。味道方面都唔錯，湯底味道香濃，所以同煮嘅娃娃菜入晒味，而雞肉嫩身唔鞋口，雲呑又大大粒，感覺真係好抵食呢~最後嚟個 雞湯花膠煮時菜，真係唔講得笑，煲入面有
早幾日約左好姊妹去柴灣交收我嘅小手作，難得入嚟又見到好姊妹，就緊係唔放過機會要食飯聚一聚，就係我…我就提意去漁灣街市嘅熟食市場，等我嚟個老人想舊事，懷念一下，所以就嚟左 竹園台式火鍋飯店 食左餐豐富晚餐~
雖然係叫做火鍋飯店，但我地見兩旁食客嘅小菜都唔錯咁，所以我地就叫大排擋小菜啦~
先嚟 醉鵝肝，依個絕對係堅好食，超濃酒香之餘個鵝肝仲一啲都冇腥味，仲超級香滑有入口即溶嘅感覺。所以雖然好邪惡，不過總係忍唔到口食左兩件呀~
邪惡感覺唔好停，我地仲叫左個 黃金麥片蝦球 ，今次都真係超晒標之作…哈哈。不過依個又真係好好食，炒得好夠鑊氣之餘，大大隻嘅蝦球都被鹹蛋黃包圍，爽口彈牙但又唔會好滯膩，真心覺得好食呀~
跟住就有 砂鍋雲吞雞 ，一嚟到我地兩個都嘩左一聲，因為半只雞加雲吞再加埋娃娃菜已經把砂鍋填得滿滿，完全係四個人嘅份量。味道方面都唔錯，湯底味道香濃，所以同煮嘅娃娃菜入晒味，而雞肉嫩身唔鞋口，雲呑又大大粒，感覺真係好抵食呢~
最後嚟個 雞湯花膠煮時菜，真係唔講得笑，煲入面有成5-6舊花膠，而且仲係大大場塊，入口仲好鮮甜同彈性，而且個湯又係好清甜，啲粉絲同白菜仔吸晒啲味，所以都好好味呀~
依個晚餐真係超飽飽，好姊妹仲話係價性比高，所以下次一定要帶我嗰個鐘意大排檔風味嘅老公嚟再食過先得。
Post
