八月茶室 (新港中心)

Open Now

Now Closed

今晚同老公去尖沙咀，佢提議食小菜，於是近近地入咗新港中心呢度，貪佢夠光猛又乾淨，嘢食種類多，小菜，川菜，鐵板餐，乜都有。招牌酸菜魚（小）$198必點之選，我地2個人要個細份量已經好夠，麻辣同酸菜比例恰當，魚片又大片又薄，好嫩滑，配上鮮味濃郁湯底真係食上癮。芝麻黑糖醋骨$80外觀吸引，d肉唔痴骨，好易食，黑糖醋味道微酸又帶甜香，加上芝麻，仲有菠蘿，呢小菜佐白飯最啱。紅燒豆腐斑腩煲$76上枱一揭開個蓋，香氣湧出來，未食已經覺得好正，豆腐同班腩都入哂味，豆腐夠夠嫩滑，班腩又大件，薑蔥好香，食認真好味。黃金脆皮蝦球$96好香口，鹹蛋黃起沙，味道香濃甘香，蝦肉夠爽口。雖然係茶餐廳，不過呢度做既小菜，味道都有番咁上下，仲幾有鑊氣，性價比高。