好川好菜 (Closed)

喺街外面已經見到佢古色古香嘅招牌同外牆裝修，啲杯杯碟碟都好有川菜風味，枱面仲有一壺烏龍茶，淡淡的烏龍味，好香但唔會過濃。-涼拌酸辣土豆絲 $68朋友仔唔食得太辣，所以今次冇乜點叫水煮嘅菜式，主要都係酸辣為主。土豆絲爽脆，唔會炒到糊；味道偏向酸多啲，唔會太辣，做前菜開胃岩哂。-話梅豬手 $88份量都幾多，話梅炆得好入味，仲有好多話梅肉添！平時豬手食得多會覺得膩，但因為話梅酸酸甜甜，去除左油膩感，所以同朋友傾下傾下都清晒碟豬手。-重慶口水雞 $168係惹味版同再辣少少嘅譚仔口水雞，雞皮爽滑彈牙，雞肉味濃，唔會比口水汁搶味，送飯一流。