A.T.A.S

Open Now

Now Closed

最近喺公司附近發現咗間幾地道嘅新加坡菜，上星期happy Friday收工即刻嚟試一試。雖然係樓上舖，但環境闊落，座位都幾舒適。Menu都有唔少特別菜式，菜式份量仲唔少，幾抵食🤗🌟叁岜拉拉拉拉即係花甲/蜆咁解。花甲隻隻都肥大肉厚，好足料！叁岜醬味道濃郁，用黎炒花甲勁惹味！如果要比較，我覺得重正過港式豉椒炒蜆，連配料洋蔥、青紅椒都好入味，必叫！💯🌟叁岜小炒皇小炒王除咗有韮菜、蝦乾、菜脯、花生…仲有魷魚、大蝦同青口等多款海鮮，材料豐富，仲好有鑊氣，撈飯一流🤤🌟咖啡骨☕️咖啡骨幾特別，未食之前好難想像到佢個味道。一字排骨好厚肉，第一啖先食到咖啡焦香，然後是醬汁鹹中帶甜嘅味道，最後係一點回甘。咖啡味同肉味加埋，一開始覺得怪怪地，但最後反而中和左豬肉嘅油膩👍🏻🌟沙爹米粉主角當然係濃郁香口嘅沙嗲醬啦，但佢配料都好豐富架，有魷魚，蝦，豆卜，豬肉…新加坡嘅沙爹比港式沙爹甜少少，唔辣。每條米粉都沾滿晒香濃惹味嘅沙嗲醬，好邪惡，但又勁好味🤣🌟美祿爆炸🧋 & 玫瑰露恐龍🦖美祿爆炸係升級版嘅美祿恐龍🦕濃郁嘅美祿上面鋪滿大量美祿粉，美祿脆脆同美祿曲奇，真心重口味，但好好飲🤣🌹玫瑰版賣相好似Rose latte上鋪