薄荷葉泰國菜

Open Now

Now Closed

今日約了泰國朋友食飯，當然佢介紹的都是泰國菜，今次我地來到朋友推介叫薄荷葉餐廳，入到去都幾有泰式裝潢幾靚而且都幾有氣氛，我地都叫了幾款食物再加飲品傾下計。首先來的是泰式生蝦好爽口而醬汁微酸帶辣好惹味，另一款小食炸蝦，份量好大舊，而且不油身好吸引。沙嗲有豬和牛同雞各二串，來到見到有別於其他串燒，是用一個大酒杯裝都幾特別，燒得幾香口而肉質保持到又入味，配飲一大杯somersby最適合。當然菜叫我地必叫的馬拉盞炒通菜，炒得香口而且不會太淋身。最後是軟殼蟹咖喱加薄餅，好香咖哩味又不是太辣，蟹微脆入味，薄餅新鮮又香，一齊食好味，朋友的確沒有介紹錯。