蠔得喜 (Closed)

唔好以為炸燒賣好簡單，有啲小食店真係炸到好難食，又乾又硬，呢間蠔得喜食得過，每次黎荃灣都食，因為好近歸家嘅巴士站，忍唔到口呢。小店一間，食物種類多，除左魚蛋、燒賣、牛肉球、腸粉、蠔餅，仲有泡飯、炒烏冬等飽肚野。炸燒賣 $13/6粒即叫即炸基本，外層微脆，唔會整到硬堀堀，裡面仲幾軟腍，最正係個汁，豉油、蒜、喼汁，微辣、少酸、重蒜香，好惹味香爆蝦米炒腸粉 $28/盒一盒裝滿，份量不少，預設有蔥同芝麻，唔食記得提早揚聲。即叫即炒，有鑊氣，唔會乾或者過濕。蝦米偏細碎，個人認為味道唔重 (因為我唔係鐘意食蝦米嘅人，嘻) 腸粉夠滑，條條分明，唔會炒到一坨坨，重口味嘅我會沾埋燒賣汁食。