旺角海鮮菜館

Open Now

Now Closed

食海鮮除咗要夠新鮮之外，幫襯有口碑而又明碼實價的餐廳都好重要，無謂因為出街食餐飯而破壞咗心情。今日同朋友卜咗呢間食龍蝦，明碼實價食個至尊二人龍蝦套餐！先上熱茶及花生，花生夠香口，前菜有韮菜花及海蜇。韮菜花淥得剛剛好，無渣，海蜇頭夠爽口，配埋秘製豉油夠晒味。燉湯2款都好正，絕對不馬虎。杏汁菜膽白肺湯，夠重杏汁味，豬肺乾淨夠淋。而胡椒豬肚雞湯則夠辣，2款都適合在這種時冷時熱天氣飲用。主角白胡椒龍蝦粉絲煲，一上枱熱辣辣，第一次試白胡椒煮的龍蝦，龍蝦啖啖肉，夠新鮮彈牙，白胡椒加九層塔微辣，連粉絲都好入味。蒜蓉粉絲蒸日本元貝，一人一隻大大隻，元貝夠大粒鮮味，個蒜蓉粉絲真係不得了，多蒜又唔會太油膩，配埋元貝味道剛剛好。豉汁蒸大連鮑，鮑魚已切花，食落爽口不會難咬開，配豉汁食一流。翡翠金沙蝦球，用鹹蛋黃包大蝦球再煮，香脆惹味。最後仲有2碗靚綠豆沙做總結！另外想讚讚呢度服務很好，主動更換碗碟，亦十分有禮貌！