叁薯 (Closed)

行過覺得個肚有啲餓，見到之前食過叁薯，諗住又是叫個焗薯啦，點知見到佢有出新野，係味皇薯條同點醬薯條，便點來試試。自己本身也是芝士控，見到佢有個芝士醬可以選，於是就叫左依個。佢話佢既薯條是新鮮炸的，所以要等一陣，我當然從善如流。畢竟，我寧願等十分鐘食到好食既薯條，都唔願意即刻食到乾哂涼哂既薯條。店家對食物質素有要求，也可鼓勵。等了一會兒，大概沒五分鐘吧，薯條就炸好送上了。滿滿一小桶上還有一個芝士醬，芝士色澤深黃，濃稠。我趕緊拿起一條薯條蘸點，薯條果然不愧是新鮮炸好的，十分之熱辣香脆，另一隻手隔著紙桶都感受到迫人的熱力。咬落口時，因為芝士醬真的很濃，所以嘗到十分之重的芝士咸香味道，而薯條本身香酥，依個組合十分之好。雖然不是有甚麼gimmick，但基本兩樣野做好，都幾好味。