Video
Read full review
2021-04-15
68 views
Happy Friday上完朋友屋企，臨走見餓餓哋向佢打探下近有乜宵夜好選擇，佢推介呢間開業唔算耐嘅串燒小店。串燒店店面唔算大，大概有五至六枱客，食物選擇唔少，除咗散叫，仲有套餐可以揀，價錢亦合理。一坐低就問店員有咩好介紹，佢極度推介秘醬系列，話係自家調製，街外食唔到。我哋揀咗秘醬焗金針菇，份量唔細，兩個人分享剛剛好，一送上嚟已經香氣撲鼻，醬汁滿滿咁覆蓋住金針菇，入口係過癮嘅辣，但唔死板，有種獨特嘅香料味，令人食唔停口，鍾意食辣嘅朋友千祈唔好錯過。羊架大大件啖啖肉，簡單加上鹽同香草去燒，肥而不膩，香而不羶。秋刀魚原條燒，非常香口，而且唔會好腥，唧少少檸檬汁吊下味已經足夠。串燒方面我哋揀咗四款，仲以為唔係好多，原來出到嚟份量都唔少。雞翼大小適中，外皮燒到好香脆，加上自家調味粉非常香口惹味。燒燒賣係我嘅最愛，亦係非常考功夫嘅一款串燒，時間唔夠就唔夠香口，燒耐咗又會太硬太乾，呢到嘅燒賣就燒得剛剛好，入口香脆，內裸依然軟腍。墨魚丸亦係燒得恰到好處，香口彈牙，冇過多嘅調味，唔會過份遮蓋墨魚丸嘅味道。五花腩唔係想像中咁厚身，而係薄薄一片，肥瘦適中，燒到白肉嘅位置微微脆身，香口之餘冇肥膩感。串燒店雖
Happy Friday上完朋友屋企，臨走見餓餓哋向佢打探下近有乜宵夜好選擇，佢推介呢間開業唔算耐嘅串燒小店。
串燒店店面唔算大，大概有五至六枱客，食物選擇唔少，除咗散叫，仲有套餐可以揀，價錢亦合理。
秘醬焗金針菇
$36
1 views
0 likes
0 comments
一坐低就問店員有咩好介紹，佢極度推介秘醬系列，話係自家調製，街外食唔到。我哋揀咗秘醬焗金針菇，份量唔細，兩個人分享剛剛好，一送上嚟已經香氣撲鼻，醬汁滿滿咁覆蓋住金針菇，入口係過癮嘅辣，但唔死板，有種獨特嘅香料味，令人食唔停口，鍾意食辣嘅朋友千祈唔好錯過。
紐西蘭香草羊架
$38
1 views
0 likes
0 comments
羊架大大件啖啖肉，簡單加上鹽同香草去燒，肥而不膩，香而不羶。
原條秋刀魚
$28
2 views
0 likes
0 comments
秋刀魚原條燒，非常香口，而且唔會好腥，唧少少檸檬汁吊下味已經足夠。
串燒方面我哋揀咗四款，仲以為唔係好多，原來出到嚟份量都唔少。
雞中翼
$19
3 views
0 likes
0 comments
雞翼大小適中，外皮燒到好香脆，加上自家調味粉非常香口惹味。
燒賣
$16
1 views
0 likes
0 comments
燒燒賣係我嘅最愛，亦係非常考功夫嘅一款串燒，時間唔夠就唔夠香口，燒耐咗又會太硬太乾，呢到嘅燒賣就燒得剛剛好，入口香脆，內裸依然軟腍。
墨魚丸
$16
3 views
0 likes
0 comments
墨魚丸亦係燒得恰到好處，香口彈牙，冇過多嘅調味，唔會過份遮蓋墨魚丸嘅味道。
五花腩
$12
2 views
0 likes
0 comments
串燒店雖然店仔細細唔起眼，但行過一定會被佢嘅串燒香氣吸引，睇得出老闆好用心經營，而且唔會每款串燒都一樣味，非常難得。
Post
